Ég fíla dilla dilla

Take the lead

2006-11-15T15:17:00.000+02:00

Var að horfa á mynd í gær og er reyndar að horfa á hana aftur núna, hún heitir "Take the lead" snilldarmynd. Þetta er svona dansmynd...
Antonio Banderas leikur í henni, bara svalur!!!! Ég, Jana, Elín og Rósa fórum nebbla á Krókinn í gær og leigðum hana.
Jamm.. en bloggar.is er dautt í augnablikinu og ég er búin í skólanum, þannig að mér datt í hug að rita hérna nokkrar línur ;-)
það gengur bara nokkuð vel í skólanum, við erum að fara í skyndipróf á morgun í Fóðurfræði.
Krakkarnir á öðru ári eru að fara í Þjálfunarhestapróf á morgun og hinn daginn held ég! Stress í gangi hjá þeim.

En ég segi þetta gott í bili over and out!

Feeling hot hot hot

2006-09-27T18:28:00.000+03:00

Hæ hæ ;-) Jæja eins og kannski einhverjir eru búnir að taka eftir þá er ég komin með nýja síðu, www.fanneydogg.bloggar.is En ég neita samt að hætta með þessa, það er ekki tímabært!!! Ég get ekki bara yfirgefið þessa síðu, fyrsta og lengi vel eina síðan sem ég hef átt!!! Uhu *grát* En hin síðan er kannski meira hugsuð sem svona myndasíða, það er svo helvíti þægilegt myndaforrit.
En allavega þá eru Laufskálaréttir um helgina, það verður ábyggilega rífandi stemmning á liðinu. Ég er að fara í hringteymingapróf á morgun, er komin með örlítinn fiðring í magan svona þegar ég fer að minnast á það!!!! Svo eru 3 próf framundan í "Hófhirðu og járningum", "Erfðafræði" og "Atferlisfræði". Jáhá sko nóg að gera..... En núna þarf ég að fara í Reiðmennskutíma.
P.s. Hrund hringdi í mig áðan, hún var að labba í skóginum. Ofsa kát ;-) Gaman að heyra frá
henni.....
Mynd dagsins er af Móu þegar hún var hvolpur.

Leyfist kettinum að tala við kónginn?

2006-09-17T14:27:00.000+03:00

Já það er spurning!!!!
Það voru göngur og réttir í gær, ég fór ekki í göngur ég var ennþá veik og pabbi greyið var líka veikur, en við vorum ekki með sömu veiki, hann var með gubbu úff!
Þannig að við fórum bara tvö saman á bílnum og náðum í hrossin sem ekki átti að ríða heim á.
Við áttum við fimm kindur í réttinni, gimbrin mín kom en mamma hennar og bróðir komu helgina áður í Helguhvammi, humm furðurlegt!!!! Það gekk mjög vel að smala og draga.
Og svo riðu Kolla, Raggi og Logi heim úr réttinni, strákarnir voru í ýmislegum keppnum aðallega samt að snúa öfugt á merunum....
Svo í gær var gítarpartý upp í Hvammi, þar var göngufélagið Brynjólfur í öllu sínu veldi og svo bættist í hópinn seinna. Þar var mikil stemma, mikið sungið og drukkið!!!
Við Hrund vorum báðar að keyra - sama bílinn - já, það er hægt. Gauksmýrarvinnukonurnar komu líka með og við fórum í svona leik, að þær áttu að fara út úr bílnum á öllum gangbrautum og hlaupa yfir hana, mjög skemmtilegt ;-) Hver segir að það sé ekki hægt að hafa gaman á rúntinum á Hvammstanga. En jæja ég nenni ekki að skrifa meira
Mynd dagsins: Vá sjáið þið hvað Gári er orðinn stór!
Au revoir Fanney

Svóna kóna, láttu ekki svóna

2006-09-08T14:18:00.000+03:00

Hæ hæ þá er maður bara kominn á hóla, ofsa stuð!!!! Jáhá í gær fórum við í skoðunarferð með öllum skólanum, byrjuðum á því að fara í gönguferð um skóginn og kallinn sem var að stjórna ferðinni, lét okkur fara í einhvern stríðleik það var mjög fyndið ;-) En já svo fórum við út um allt og skoðuðum hesthúsið aftur og fórum út á Krók að skoða fiskeldið, við Rósa fundum einn fatlaðan í fötu sjö..... Svo var grillað á kaffi krók og fólkið fékk sér nokkra öllara og ótrúlega góðan mat. Anyway svo komum við heim í Geitagerði og við Rósa vorum bara eitthvað að chilla og svo komu allt í einu bara allir í heimsókn til okkar, þá meina ég bara 20 manns!!!! Við áttum ekki alveg von á þessu, það var bara allt í einu partý hjá okkur!!! Hehe en það var bara fínt,, Hjörtur og Björn Jóhann svo fengu að lúlla hérna í nótt, þar sem þeir voru ekki beint í ökuhæfu ástandi!!!! Svo áðan var ég í tíma hjá Mette, það var fínt ég á ábyggilega eftir að læra haug hérna á Hólum.... En já þetta er gott í bili sjáumst
P.s. 3 réttir um helgina, Víðidal, Hrútafirði og Miðfirði og 2 böll í Húnaþingi vestra!!!!!
Mynd dagsins: Ein af okkur Rósu, bara viðeigandi!!!!

Skítur skeður...

2006-09-03T00:09:00.000+03:00

Myndir dagsins: Hvað er að gerast???? Híhí alltaf gaman í hesthúsinu. Tekið frá verslógleðinni á Böðvarshólum.

En ég skellti mér á busaball í gærkvöldi, fór á Flugumýri fyrir ball og gerði mig ready þar með Rósu, Ástu og Eyrúnu ;-) og svo skutlaði Páll Bjarki okkur á ball hehe... Ballið var gott, mikið stuð á liðinu!!!!

Svo var firmakeppni og læti í dag, það var fínt sko fyrir utan veðrið það var ekkert spes!!! Ekki

fyrr en keppnin var búin þá kom sól.

En já hvað segið þið Hólar á þriðjudaginn, ég held það bara ;-) Sjáumst!!!!

Súperman

2006-08-26T23:56:00.000+03:00

Nú er Bubbi búbbí (eða Bubba byggir eins og sumir vilja frekar hafa það), kominn á fullt í smíðunum, smíðarnar ganga vel hann er nú þegar búinn með eitt hús á viku, jájá það var flutt á áfangastað í gær! Já það var happafengur fyrir þykjustusmiðina á Lambeyri að fá Bubba búbbí í vinnu...... ;-) Jájá en núna eftir rúma viku er ég að fara á annan áfangastað og það mun vera Hólar city!!! Það má segja að ég sé komin með nettan fiðring í magann ;-) En jæja þetta er helvíti gott, ég ætla að skreppa í pottapartý á Gauksmýri.

P.s vá rosa þáttur í Nágrönnum síðasta föstudag og footballerswifes!!!! Jeminn

Gleði gleði gleði

2006-08-15T19:57:00.000+03:00

Gleði líf mitt er, því að jesús kristur hann gefið hefur mér, ég vil að þú eignist þetta líf, því að það er gleði gleði gleði alla tíð!!!!
Já það var stuð á suðurlandi um helgina, íslandsmót í gangi og hvaðeina.... Flauta stóð sig vel a-úrslit á íslandsmóti ekki slæmt.....

En ég nenni ekkert að skrifa, í rauninni nenni ég engu núna, nema kannski að leggjast í gólfið og slást við Össu - það er stuð!!!!

Til hamingju með afmælið í gær Eyrún Ýr, ég mundi eftir því en átti ekki inneign.... kiss og knús

P.s. Ég hlakka til að byrja í skólanum.....

Mynd dagsins: Rósa og Logi í ham

Fricking fantastic

2006-07-31T22:57:00.000+03:00

Hellú.....
Bikarmótið er búið það var snilld, við í USVH (Þyt) vorum í öðru sæti af sex sveitum sem er gott!!! ;-) Öll úrslit frá mótinu eru á www.grafarkot.is Mótið var búið á laugardagskvöldinu og þá lögðum við af stað
frá Dalvík og ég varð eftir í Skagafirði, nánar tiltekið á Vindheimamelum, þar var afmæli hjá Eyþóri og Dísu á Skörðugili og minn maður var að skemmta, vitanlega.... Þar var mikil gleði, mikið fyllerí á liðinu og gaman. En svo um miðnætti þá brunuðum við á Súbbanum, beint á ball með Buffi á aðalpartýsvæðinu HVAMMSTANGA. Og ég held ég hafi ekki skemmt mér svona vel í marga mánuði, þetta var bara gaman ;-) Fullt af slúðri og allt að gerast hinir og þessir að slá sér upp saman. Jájá þetta er svona had to be there ball!!!!!
En við Hjördís vorum ógó duglegar í dag tókum öll hrossin í prógram og svo á morgun erum við að bruna suður í verslunarleiðangur ví.... Eydís, Júlía Jara og líklega Hrund koma með.

En þar til næst Fanney over and out!

Mynd dagsins: Ég og Eldur í action á bikarmótinu

SLAK

2006-07-19T00:47:00.000+03:00

Hola!!!
Það sem er framundan er íþróttamót Þyts, unglist, hestaferð, versló og ég veit ekki hvað og hvað. það verður stuð ;-)
Rakel Gígja er í pössun hérna heima og það er óhætt að segja að hún stjórnar öllum hehe... Já hún er hress sko ;-)
Jájá en það er bara allt að gerast hérna í Húnaþingi, bara körfubolta og fótboltaæfingar og klúbbastarfsemi og bara nefndu það.... en jæja þetta er gott í bili við sjáumst

Mynd dagsins er af mínum umdeildu hestaskóm sem eru bleikar blómagúmmítúttur, já og hana nú þar sem hestaskórnir mínir leka þá eru þær besti kosturinn og eins og gengur og gerist í KVH þá er ekki mikið úrval (allavega ekki upp á síðkastið) þannig að það voru bleikar gúmmítúttur eða engar gúmmítúttur!

Frænka mín heitir Júlía Jara

2006-07-11T20:43:00.000+03:00

Já litla skvísa er loksins komin með nafn, það er gott að maður getur farið að kalla hana sínu nafni ekki litla snúllan eða eitthvað í þeim dúr!
Við erum í hestaferð, þ.e. Ég, Hjördís, Kolla, Raggi, Mamma, Einar, Reynir, Amaly frá USA, Guðný frá Borgarfirði og Eydís og svo pabbi og Rakel á bílnum.... Fyrsta daginn riðum við í Böðvarshóla, svo næsta dag fórum við í Kolugil til Rósu minnar... Ég og Rósa fórum á sexhjólinu að sækja vatn í baðkar fyrir hrossin, þvílíkur trukkur!!!! Já já og núna erum við í Áslandi og svo á morgun ríðum við heim í Grafarkot. Þetta er bara svona nettur hringur!!!
Hey og það er komið nýtt skilti fyrir Grafarkot og Lækjarhvamm þannig að ég get hætt að útskýra hvar Grafarkot er, fólk getur bara lesið á skiltið ;-) En jæja þetta er nóg í bili við sjáumst!

Landsmót 2006

2006-07-03T17:14:00.000+03:00

Vá besta landsmót í heimi....
Húrra fyrir stuðningsliðinu og húrra fyrir öllu skemmtilega fólkinu sem maður hitti. Frábært veður á Vindheimamelum, flottur staður fyrir landsmót! Góð böll með Geira og Todmobile ég fór nottla ekkert á Papana enda var ég keppa klukkan 10 á sunnudagsmorgun, Logi minn var svo góður að koma með mér í háttinn og missa af Pöpunum, hann er svo mikill snillingur þessi elska!!!! Svenni og Einar Bjarni voru fyndnir þegar þeir komu og óskuðu mér til hamingju og fóru svo að sofa, enda ekkert búnir að sofa um nóttina, rétt héldu sér vakandi til að sjá úrslitin. ;-) Og Sigrún snillingur, djammaði aðeins of lengi um nóttina en kom samt á hundrað og fimmtíu km hraða, hlaupandi enda ennþá óökufær hehe.... Og ég frétti af því að Hrund og Rósa hafi verið dyggir stuðningsmenn um nóttina en aðeins gleymt að vakna um morguninn, en ég væri nú til í að sjá myndir af þessu stúlkur... hehe

En jæja þetta er gott í bili

P.s. Dögg er gæðingur ;-)

Fanney kveður að sinni ánægð með gott mót

Sonur minn er enginn hommi, hann er fullkominn eins og ég

2006-06-22T00:05:00.000+03:00

Þá er ég að sjálfsögðu að tala um hann Gunna minn.... Já þetta er afar greindur hrútur. Núna er ég að reyna að venja hann undan mér, hann er farinn að vera úti á daginn og svona. Svo í gærkvöldi þá var hann að jarma fyrir utan gluggann hjá mér og ég svaraði ekki svo hann gafst upp á endanum og rölti upp í fjárhús sem voru lokuð, en Gunni gafst sko aldeilis ekki upp, hann labbaði hringinn í kringum húsin og á endanum fann hann op sem hann komst í gegnum og hoppaði þá bara upp í garða á sinn stað og var þar um nóttina og mætti svo bara morguninn eftir til að fá mjólk.... Já hann er ekki vitlaus eins og margar kindur virðast vera!!!! Ohh ég er svo stolt móðir. Gunni er farinn að aðstoða okkur Hjördísi við að smala hrossunum heim og er svo alltaf að sniglast eitthvað í hesthúsinu, svolítið mikið fyrir..... Ég verð bara að fara að kenna honum að teymast!

*Nýtt*

Heyrst hefur að Hjördís sé að stunda online dating með filipseyingum.....

Eydís og Óli eru farin í stóraðgerðir til að drepa roðamaura

Ég, Maggi og Rósa fórum í inntökupróf í dag og það gekk bara fínt!

Sigurjón fyrrverandi vinnumaðurinn hans Dóra á Þverá var með okkur í inntökuprófi, ég kynntist honum b.t.w. í dag og endaði á því að sækja hann og keyra bílinn hans út á Tanga frá Stórhól því hann var tekinn af löggunni, hann missti prófið víst fyrir 4 árum..... Humm... !!!!!

Við förum á landsmót um helgina.... ví ;-)

Mynd dagsins er af Gretti

Fanneyjan kveður að sinni - reyniði nú að skemmta ykkur vel, lífið er stutt -

Hæ hó jibbí jei....

2006-06-17T20:31:00.000+03:00

Það er kominn 17. júní, lýðveldisdagurinn mikli!!! Ég, Hjördís og Alla vorum fánaberar ótrúlega magnaðar ;-) og svo vorum við rauðu dívurnar líka að sýna atriðið okkar. Í kvöld er ræktunarbúsýning og eitthvað sprell upp í Hvammi..... En ég ætlaði bara aðallega að skella einni mynd af flottu fánaberunum....
Pabbi og co eru í Keflavík að rífa nýja húsið okkar niður svo hægt sé að flytja það heim í Grafarkot, þetta er rosa flott límtré hús með ileiningum, kemur sér vel ;-) Þannig að við verðum ekki með ræktunarbú í ár. En við mamma ætlum að ríða fyrir Sigmundarstaði!!!
Það fæddist lamb í gær og gemlingurinn vill það ekki, þessi sauðburður á að vera vesen þar til síðasta truntan ber... Ég tók lambið heim og var með hárblásara á því og var heillengi að koma hita í það og svo gekk það og ég náði að láta það drekka kl. 23:00, 01:00, 05:46, 08:20 og 10:00 semsagt í alla nótt og fram á morgun..... þvílíkt vesen, en það lifir og því ber að fanga ;-) !!!!
En jæja þar til síðar.

Fánaberinn kveður

Eninga meninga...

2006-06-14T20:49:00.000+03:00

Ég var að selja hryssu, hún heitir Vera og er góð... Hún fór í Mosfellsbæinn. Það er leiðinlegt að selja hross sem maður er búinn að temja og þjáfla í 2 ár og svo loksins þegar þetta er allt að smella bara púff seld!!! En það er líka gott að fá peninga. Eninga meninga mig vantar alltaf peninga lalalala......
Hrundza mín á ammli í dag, til lukku með það skvísa ;-) Núna fyrst þú ert komin heim þá get ég komið ríðandi heim til þín, berbakt á Móses með Páfa í taumi, ég var nebblega að ná í þá í dag!!!!!!
En við ættum að taka okkur til nokkrar Húnvetnskrar skvísur og hafa svona hittinga í sumar - fara að sundríða - fara í pottinn á laugarbakka og hafa það gott - fara í hestaferð - rodetrip- og ýmislegt!!! Hvernig líst ykkur á það??? Þið vitið hverjar þið eruð......

Mynd dagsins er af Veru.

Au revoir

Skapar fegurðin hamingjuna

2006-06-13T20:06:00.000+03:00

Sæl öllsömul!

Skapar fegurðin hamingjuna?

Skapa peningar hamingjuna?

Skapar ástin hamingjuna?

Skapar trúin hamingjuna?

Ég veit hvað mér finnst, en það eru ekki allir sammála!!! þetta voru bara léttar vangaveltur.... ________________________________________

En víkjum að allt öðru, eins og sumum er kunnt um er búið að vera allt á milljón núna síðustu daga. Mót, kynbótasýningar og allt í botni!!!!

Framundan er:

Inntökupróf á Hóla

Landsmót hestamanna á Vindheimamelum

Tamingar og þjálfun á hrossum

Ábyggilega nokkur dansiböll, annars veit ég nú minnst um það, það mætti halda að fólk sé hætt að skemmta sér!!!

Ég ætla að hafa þetta í styttri kantinum, því Gunni minn er svangur, ég næ ekki að venja hann undan mér !!!!! Ég á eftir að ríða út í sumar með lamb sem fylgir mér eins og skugginn.. ;-) hann verður einn af hundunum...

Sjúddirallí rei

2006-06-07T02:05:00.000+03:00

Mynd dagsins: Assa í sumarbaðinu.... Henni finnst ekki gaman í baði, en vá hvað hún verður hress eftir baðið. Hún hleypur alltaf eins og vitleysingur út um allt ofsa kát!!!!
Núna eru kynbótasýningar í hámarki, ég var að sýna tvö fjögurra vetra hross í dag, Huldumey og Gretti frá Grafarkoti. Þau stóðu sig bara nokkuð vel, eiga samt bæði eftir að hækka töluvert!
En það gengur flest allt vel bara, tvö hross komin inn á landsmót, Víf og Tvinni. Svo er yfirlitið á morgun!

Litla snúllan er alger dúlla, ofsa stillt sefur bara og drekkur... greinilega lík pabba sínum, svona róleg hehe ;-) Svo er bara að koma að gæðingamótinu, það er um helgina! En ég nenni varla að skrifa neitt mikið núna, er þreytt eftir stressandi dag.

Fanney kveður að sinni

Litla dúllan

2006-06-02T01:41:00.000+03:00

Hérna er hún, ég varð bara að skella inn mynd af henni. Það fer nú ekki á milli mála hver pabbinn er, hún er svolítið lík pabba sínum og mömmu líka ;-) En þetta er alger dúlla, enn ein Grafarkotsprinsessan..... Við renndum á Akranes áðan, Eydís og Óli voru rossa hress. Ég hlakka til að fá þau heim svo maður geti knúsað litlu prinsessuna ;-) En jæja þetta er gott í bili

Sæl að sinni

Sól og blíða!!!

2006-05-30T12:29:00.000+03:00

Jú komiði sæl það er Fanney hérna hinum megin við skjáinn sem heilsar ykkur og í fréttum er þetta helst:

Það er æðislegt veður - b.e.a.utiful (Bruce almighty)
Mamma átti afmæli í gær, til lukku með það móðir góð
Það eru komin 5 folöld, allt hryssur
Í gær fæddist rauðblesótt hryssa undan Tvinna og Óreglu
Í nótt fæddist rauðskjótt hryssa undan Klassík og Álfi
Nala er búin að bera, hún vill ekki lambið sitt, gemlinga fífl!
Ég vandi lambið undir, en það gengur kannski ekki, annað gemlinga fífl!
Það gengur vel með hrossin
Kynbótasýning á morgun.....
Eydís er kannski komin af stað, humm??
Er vonandi að fara að bera barninu!
En jæja það er ótrúlega gott veður, ég er farin út
P.s ég er fegin að ég verð ekki að vinna inni í sumar...

Mynd dagsins er af Eydísi óléttu með stúdentahúfuna ;-)

Fanney out!

Stelpan útskrifuð

2006-05-27T17:43:00.000+03:00

Útskriftin var í gær, hún heppnaðist rosa vel og það var æði að vera loksins útskrifuð. Svo eftir athöfnina og kaffið þá var brunað heim í Grafarkot og borðar dýrindisgrillmat að hætti Kollu, Ragga og mömmu ;-) Það komu ca. 25 manns og borðuðu með okkur. Logi minn gaf mér ekkert smá flotta gjöf. Hann gaf mér sinn helming í hestinum okkar (mínum núna) honum Eld. Ég var alveg himinlifandi hehe ;-) ég ætla að skella myndunum hérna inn seinna. Og svo fékk ég líka margar góðar gjafir. En right now ætla ég að skella mér á hestbak, skrifa meira seinna!!!
Myndin er af fjölskyldunni fleiri myndir eru hér
Sjáumst

Vangaveltur Fanneyjar

2006-05-23T22:27:00.000+03:00

Ó mæ gosh!!!!
Hvað er málið með alheiminn, er Ísland að fara til fjandans! Munum við öll deyja áður en árið 2007 er gengið í garð, eða náum við að sigra heiminn? Hvað verður um fólkið í sveitunum hér í V-Hún deyjum við öll af völdum snjóflóðs í maí eða lagast þetta allt?
Nei ég segi svona... bara léttur spaugur! Veðrinu á að slota upp úr helginni og þá verður vonandi allt gott, annars patna ég viðtalstíma hjá þér góði Guð.... já þú átt nú ekki von á góðu frá mér, ef þetta fer ekki að snarlagast bráðum ;-) Yfir og út

Að éta það er það sem þeir geta.....

2006-05-19T23:47:00.000+03:00

Myndin er af heimalningunum sem við áttum einu sinni þeim Skrauta og Móral, þeir voru svalir! En hvað er málið með veðrið?

Jæja hér koma nokkrir punktar:

Það styttist í útskrift, hún er 26. maí!!!

Það er kalt úti

Silvía Nótt fór á taugum í eurovision, hún söng ekki nærri því eins vel eins og hérna á Íslandi!!! Það var leiðinlegt, því þetta er söngkona....

Tyrkland átti ekki að komast áfram í euro

Ekki Armania heldur

We are the winners frá Litháen er fyndið lag, sérstaklega þegar gaurinn sem stendur alveg kyrr í byrjun missir sig....

Mér finnst "Stelpurnar" vera ótrúlega fyndinn þáttur !!!!

En friends er besti þáttur í heimi, maður getur horft á þættina aftur og aftur...

Gunnar Ægir er ægilega stór, þ.e. lambið mitt ;-)

Gári er líka orðinn frekar stór.

Nú er maður að fara að kjósa í fyrsta skipti, það verður gaman að fá að vera með!!!!

Eydís er að springa út!

Það er alltaf stæði nær...

Æi jesus og goshh ég hef bara ekkert að segja...

Túkí túkí

2006-05-17T20:04:00.000+03:00

Eurovision undankeppni á morgun! Já, það er eins gott að setja sig í stellingar fyrir keppnina, maður er nú að verða soltið spenntur. Ég sá Silvíu á blaðamannafundi í fyrradag og hún var nú helvíti fyndin. Ég hélt nú með Regínu í keppninni hérna heima, ég hef séð Silvíu bæði í mjög fyndnum atvikum og sumum sem fara yfir strikið - langt yfir strikið!!! En hún er allavega fyndin og það taka flest allir eftir henni !!!! ;-) En Regína átti samt skilið að fara. Njomm njomm, þetta er sniðugt!!! Ægir litli stækkar og stækkar, hann drekkur að meðaltali 10 pela á sólarhring, púff það er fullt starf að eiga heimalning... En jæja ég hef ekkert sniðugt slúður handa ykkur svo ég segi bara smell you later!
Mynd dagsins er af Græsku með litlu hryssuna sína.

babú babú...

2006-05-13T21:06:00.000+03:00

Þessi mynd er af Óla að leika við hundana, ég á hundinn sem er að hoppa hehe ;-) Jájá.. lömbin stækka og hvolpurinn með ;-) Ég hef svosem ekkert að segja. Það styttist í kynbótasýningar og landsmót, ein spurning svona með, ætla ekki allir á landsmót? Ég fór á framsóknargrill í gær, það var gaman, gott að borða og sonna. Svo fórum við að spila á Þinghúsinu. Ég, Logi, Guðrún, Hrund, Ingveldur, Einar, Eyþór og Sonja.. það var stuð! Party og co er snilldarspil. Kolla og Rakel eru í heimsókn við vorum að marka lömbin og gefa þeim úr pela og svona. Kindin mín hún Tíska er búin að bera, hún var þrílembd... ég verð að gefa þeim úr pela hún nær ekki alveg að sjá um þau sjálf!!! En jæja smell you later ;-)

Brostu framan í heiminn, þá brosir heimurinn framan í þig

2006-05-08T22:43:00.000+03:00

Gott veður, vá hvað það er gaman núna!!! Maður er bara að brenna í andlitinu hehh ;-)
Rósa er orðin amma, Salka litla *hóst-hóst* stórbeinótta var að eignast hvolpa, það voru allavega komnir 5 þegar ég talaði við hana.... það er svo gaman að eiga hvolpa, ég ætla að kíkja á þá bráðlega. Ég kíkti í heimsókn til Rósu á laugardagskvöldinu og við fórum í pottinn með græjurnar í botni og svaka stemma ;-) !!!!
Sauðburðurinn gengur vel, við Eydís vöndum undir í dag og rollan fattaði ekki neitt, alveg stonedeff, sem betur fer!!!! Svo eru 3 lömb sem þarf að gefa úr pela, það eru Gunnar Ægir ;-), Móra og gibba litla sem fæddist fyrst af öllum. Ægir litli er orðin ekkert smá frekur, enda er hann risa lamb stærsta lamb sem hefur fæðst í Greifkeit og dekurrófan mín.
Útskriftin er svo núna 26. maí, ég útskrifaðist reyndar um jólin en útskriftin sjálf er núna.
Mynd dagsins er af Rósu pottakjéllingu ;-)

Fanney kveður að sinni með bros á vör

MEEEE

2006-05-05T12:05:00.000+03:00

Jæja nú jæja látum hann hlæja, kannski hann hlæji ekki í annað sinni!!!!
Það eru komin nokkur lömb, sauðburðurinn hefur nú ekkert verið neitt til að hrópa húrra fyrir, 2 búin að deyja, annað var holgóma grey... En annars eru hin öll sprell alife ;-) Ég setti eina mynd af kindunum sem komnar eru í svítuna.....
Ég er kannski að fara suður um helgina, Logi er nebbla að fara að selja nokkrar hrossatruntur... er samt að pæla í að vera heima og fara í rekstur bara!!!
En það er GEÐVEIKT GOTT veður úti!!!! Svo verið þið sæl ég er farin út að gera eitthvað.

Fundið gull

2006-04-30T22:19:00.000+03:00

Við systunar fórum suður til Kollu og höfðum systrahelgi, við fórum m.a. í bíó á myndina Failure to Launch, snilldarmynd, mjög fyndin og skemmtileg!!!! Svo var verslað og verslað.... ég keypti mér útskriftardragt og skó og alles. Við kíktum aðeins á skemmtistaðinn Ara í Ögri, það var mjög fínt svona trúbadorastemmning, nokkrir rónar úti að sjúga afganginn úr tómu bjórflöskunum sem lágu á gangstéttinni. Bara skemmtileg stemmning ;-)
Guðrún og Tommi voru að skíra í dag og drengurinn hlaut nafnið Þórólfur Hugi Tómasson, mjög fallegt nafn og til hamingju með það krakkar ;-)
Fyrsta folaldið er komið í heiminn, það er brúnskjótt hryssa, svo eru komin lömb. Fyrsta lambið sem fæddist var haft hjá hundum fyrst, því það munaði litlu að það færi yfir móðuna miklu, en það lifir og er farið aftur upp í fjárhús til mömmu sinnar!!!!
Hvolpinum var gefið nafnið Gári, virðulegt nafn fyrir verðandi virðulegan hund ;-)
En jæja þetta er gott í bili....
Mynd dagsins: Gári að kúra

Tekið til kostanna

2006-04-24T15:19:00.000+03:00

Vá það var svo gaman... bara allt! ;-) Það gekk mjög vel hjá okkur dívunum, við vorum valdar besta atriði föstudagskvöldsins og svo gekk mjög vel að sýna á laugardagskvöldinu líka, bara klapp og læti! Dögg mín var líka alveg mögnuð, við urðum þriðju í gæðatöltinu, hún sýndi samt ekki allt sem hún getur sko.... En já þetta var gaman. Við kíktum svo aðeins á ball eftir sýninguna, það var mjög fínt, fullt af hestafólki og gaman að spjalla.
Svo gisti ég hjá Rósu minni. Ég, Rósa og Ásta lúlluðum saman á vistinni. Ekki Eyrún ;-)
Ég droppaði Loga bara til Sigga Bóbó, þeir voru sprækir!!!
En já svo í gær þá fórum við Logi í Tunguháls og keyptum hreinræktaðan lassie hvolp og gáfum mömmu og pabba. Hann er æðislegur, hann verður sko alveg risa stór og loðinn, en hann er pínulítill núna, alger dúlla!!! Já þetta er svona það er gaman að vera til!!!

Fanney eiturhressa kveður

Páskapartý

2006-04-14T16:36:00.001+03:00

Öss... það var hestamannapartý á fimmtudaginn hjá Dóra og Helgu og fólkið, já það var hresst!!! Það voru allir orðnir ansi VEL íðí fyrir klukkan 22:00!!!! Já, það voru teknar nokkrar myndir, þær eru spes hehe ;-) það var hörkustuð, svo fórum við í rekstur á föstudaginn. Logi, Reynir, Einar og Gunnar komu frá Gauksmýri með stóð. Ég, mamma og Raggi fórum með 25 hross frá Grafarkoti og svo komu fullt af fólki ríðandi frá Hvammstanga heim, þannig að þetta var feikna rekstur.
Svo skelltum við okkur á ball á blönduósi það var GAMAN ;-), ég held samt ég hafi farið með vitlausum bíl heim, því ég endaði ekki heima hjá mér!! En jæja þetta er gott í bili.... það eru komnar flottar myndir frá því á laugardaginn á www.grafarkot.is Gleðilega páska, svona rétt í lokin ég tók hérna eitthvað próf af síðunni hennar Kollu, hvaða Evrópuborg ég ætti heima í....
Myndin: c´est moi et Rósa á ballinu.

You Belong in Amsterdam

A little old fashioned, a little modern - you're the best of both worlds. And so is Amsterdam.
Whether you want to be a squatter graffiti artist or a great novelist, Amsterdam has all that you want in Europe (in one small city).

Auf wiedersen Fanney

Should I stay or should I go

2006-04-11T22:56:00.000+03:00

Hvað á ég að gera í sumar, mig vantar sniðuga vinnu, helst sem tengist hestum... eða hvern er ég að plata það verður að vera hestatengd vinna, þjálfa temja eitthvað! En ég nenni ekki að vera alein að temja og ég veit ekki alveg hvort ég verði í Vestur Hún eða Skagafirði eða hvar..... það er óráðið! Mig langar bara að hafa skemmtilegt vinnusumar. Svo ef þið kæru lesendur lumið á einhverri sniðguri vinnu, þá endilega komiði með uppástungur.
Það er ball um helgina, éttjla fara.. Það er á Blö á hvað, föstudaginn held ég og svo í Miðgarði á laugardaginn, eða er það ekki annars ég er ekki með þetta alveg á tæru! En það sem ég veit er að "í Svörtum fötum" verða að spila á Blö og svo "Á Móti sól í Miðgarði". Það hlýtur að vera stemma fyrir því, er þæggi?
En jæja ég bíð eftir uppástungum ;-)
Mynd dagsins er: Why GOD why myndin af Rósu

Fannza

Blindur er sjónlaus maður

2006-04-10T22:46:00.000+03:00

Slæmar fréttir: Móa er dáin og Æsa :(
Sko Móa gamla var með krabbamein, því miður því þetta var snilldar hundur og mér þótti ógurlega vænt um hana og öllum hérna í Grafarkoti, en hún var orðin svo stirrð og átti erfitt með að ganga. Og Æsa var ofvirk og gerði þarfir sínar alltaf inni, hún réð ekki við þetta greyið! þannig að þær fóru saman í dag til himna. Núna eru bara litlu dúllurnar eftir Assa mín og Vala hennar mömmu. Svona er þetta, lífið er ekki alltaf dans á rósum!
Góðar fréttir: Ég fór á góð hross í dag, sérstaklega merarnar þær eru alveg að smella núna. En Grey´s anatomy er í kvöld, það er góður þáttur. Það er best ég fari að horfa á hann.
Mynd dagsins er af Móu

Fanney kveður að sinni.

Betra er langlífi en harðlífi

2006-04-07T21:27:00.002+03:00

Haha... ég var að hlusta á Reykjavík síðdegis eins og alla daga, anyway þeir voru að lesa upp ansi skemmtilegar stjörnuspár, ég ákvað að setja mína hérna inn....
Sporðdreki (23. október - 21. nóvember): Þú ert frekur og valdasjúkur, færð einstök mál á heilann (þráhyggja) og ert því einhæfur og hundleiðinlegur. Þú ert ímyndunarveikur og tortrygginn, móðgast útaf engu og gerir úlfalda úr mýflugu. Lífið er annað hvort frábært eða ómögulegt. Þú ert eins og biluð plata, stöðugt að spila sama lagið.
Góð stjörnuspá :)
Ef þig langar að kíkja á þína flottu stjörnuspá kíktu þá hér á bylgjan.is
Veðrið er að lagast núna sem betur fer! Mynd dagsins er af pabba, Loga og Óla að reyna að draga hvorn annan upp hehe :) En það er gott veður núna og gaman... hérna eru skemmtilegar myndir af folöldunum og ungu stóðhestunum ;-)

Ekki dugar að drepast (",)

2006-04-05T21:40:00.000+03:00

Betra er að ganga fram af fólki en björgum, já það er einmitt það sem veðurguðirnir eru að brasa við núna, þeir eru að ganga fram af fólki með því að hafa oftar en ekki vont veður núna upp á síðkastið! Eins og þeir voru góðir við okkur í mars, en eins og Valdi gamli segir alltaf þetta hefnir sín.. og já það hefur svo sannarlega hefnt sín ærlega núna.
Ég er búin að vera úti í þessu veðri síðasta klukkutímann að teyma allar stóðmerarnar inn í reiðskemmu, svo þær krókni ekki úr kulda! Þetta tók langan tíma enda eru þær c.a. 20 stykki. Sem betur fer eru þær allar komnar inn núna. Það er ekkert svo langt þar til þær kasta, þannig að það er eins gott að hugsa vel um þær. það er svosem ekkert mikið að frétta úr Grafarkoti núna, það gengur vel að temja og þjálfa, bara leiðinlegt að geta ekki riðið meira á hrossunum úti. En ég trúi ekki öðru en að það fari að verða mjög gott veður hérna bráðum, svona páska og vorveður. Því það er OFT gott veður hérna í V-Hún, ekki eins og sumt fáfrótt fólk heldur fram að það sé eitthvað verra veður hérna heldur en í heimasýslu þeirra. Þeim skjátlast! Nema kannski í Hrútafirði þar er oft rok.....
Mynd dagsins er af pabba mínum ;-)

Ístölt og sölusýning

2006-04-02T22:02:00.000+03:00

Við erum búin að vera fyrir sunnan alla helgina á Hestheimum. Það er sölusýning í gangi og við fórum með 4 hross (ég, Logi og Hanna) Það gekk bara mjög vel að sýna þau og margir sem prófuðu hrossin og mikill áhugi, þannig að það er vonandi að það komi e-ð út úr því.
Ég fór með Kötlu á ístöltið í gær og tók Helgu Unu með, það var mjög gaman, fullt af flottum hrossum.... Blíða frá Flögu er geggjuð sko!!!! Svo sá ég hann Mola frá Skriðu, það er enginn venjulegur fótaburður í kvikindinu. Ég hafði það af að kíkja loksins í heimsókn til ömmu og afa í Réttarholti, þetta er bara mjög fínt hjá þeim, afi á afmæli í dag en hann vildi nú minnst tala um það!!! En jæja þar til næst

Hæj...

2006-03-29T21:18:00.000+03:00

Við Logi kíktum í heimsókn til Guðrúnar og Tomma og sáum sæta strákinn þeirra, hann er alger rúsína, án efa minnsta barn sem ég hef séð og haldið á. Ég var bara hálf smeyk við að halda á honum, hann er svo lítill. En engu að síður mjög hraustur :) Ég ákvað að setja þessa flottu mynd af Guðrúnu, nýbökuðu mömmunni. Þetta var tekið þegar við fórum með Kolla í Drangey, það var gaman :)
Já það eru allir eitthvað svo óléttir núna, þetta er örugglega að ganga ;)
Mér finnst veðrið ekki gott, eiginlega finnst mér veðrið alveg ómögulegt! Ég er alltaf að ríða út INNI... núna í eina og hálfa viku, ég er komin með leið á því, þó að það sé nauðsynlegt að vinna með hestana inni þá er svo gott að komast út öðru hverju.
En jæja ég ætlaði bara aðeins að sýna lit í bloggheiminum. Jess fatahönnunarþátturinn er í kvöld, mér finnst hann skemmtilegur, Loga líka híhí

Við erum að tala um það....

2006-03-25T22:37:00.000+02:00

Að það kviknaði í hárinu á mér, já þið lásuð rétt! Ég skellti mér á dansiball í gær það var kveðjupartý fyrir Sæu og Ingibjörgu, þær eru að fara til Afríku... Logi, Gunnar Ægir, Gummi og Jón Indriða voru að spila. Og allavega ég sat bara í makindum mínum við gluggann og svo ætlaði ég að fara eitthvað fram og stend upp og Eydís bara „Fanney það er kviknað í hárinu á þér"... og svo var ég bara lamin í hausinn þar til loginn slokknaði, sem betur fer missti ég nú ekki mikið hár við þetta, en svona eftir á var þetta mjög skonið hehe :) Hrund kíkti með mér og var svona rífandi hress gellan :) Við fórum í mission að finna út hver þessi maður var sem líktist Baldri á Saurbæ að mér fannst, Helgu Hinriks fannst hann alveg eins og Jakob Sæström einhver júrógaur. Hrund komst svo að því hvað hann hét og líka að hann var ekkert skemmtilegur plús að hann var í ljótum buxum hehe :) En já þetta var afbragðs skemmtun:) Stjörnutöltið á Akureyri er núna í skrifuðum orðum, mig dauðlangaði að fara en bara nennti ekki að þvælast ALLAR helgar svo ég ákvað bara að vera slök, ég er bara í beinu sambandi við Helgu í staðinn :) !!! Við vorum líka að taka upp hross í dag, öll ungu hrossin pabbi og Logi voru að taka út tamninguna hjá okkur mömmu :) En jæja þetta dugar í bili, sæl að sinni.

Stuð á sýningu :)

2006-03-19T20:09:00.000+02:00

Jæja þá er sýningin afstaðin og það er ákveðinn léttir, en þetta gekk allt saman ágætlega bara... Það var stuð á fólki og eftir sýninguna var bjórkvöld á efri hæðinni í Arnargerði, þar var sungið og spilað!!!!!! Kvennaatriðið gekk bara vel, hefur samt alveg gengið betur en það er ekkert hægt að kvarta, það er alltaf erfitt að átta sig á því hvernig hross taka áhorfendum sérstaklega í höllinni á Blönduósi hún er svo lítill og áhorfendurnir sitja alveg ofan í manni.... Við vorum komin heim um tvö leytið, þá kíktum við aðeins á Þinghúsið, þar var bara fín stemmning aðallega hrossafólk :)
Það er kalt í veðri í dag en stillt.... ég rölti út á tún áðan og kembdi Ásjónu minni og Eldvör líka, þær voru sprækar.... En jæja það er komið nóg af þessum hrossapælingum!

P.s Kolla systir átti afmæli á laugardaginn til hamingju...... :)

Móa gullhundur !!!!

2006-03-16T20:20:00.000+02:00

Uss nú er það ljótt Gullhundurinn er slasaður eða það kom ekkert fyrir, hún er eiginlega bara lömuð á afturfótunum. Enginn veit hvað er að, en hún á að fara í myndatöku. Vonandi verður allt í lagi með greyið.
En Guðrún og Tommi eru nú stoltir foreldrar, ég á nú ennþá eftir að kíkja á prinsinn, ég ætlaði að fara í gær en þá var hann með í maganum litli. Þannig að ég verð að fara seinna....
En jæja það er aldrei friður ég verð að fara að drífa mig á Blönduós.
B.T.W. allir að muna eftir sýningunni á laugardagskvöldið hún byrjar kl. 20:00 :)

Brostu framan í heiminn, þá brosir heimurinn framan í þig

2006-03-12T22:07:00.000+02:00

Jarðaförin hennar Hebbu fór fram á Laugardaginn á blíðviðrisdegi. Athöfnin var falleg og fór vel fram. Minningargreinarnar eru í Mogganum, m.a. ein sem Logi skrifaði! Öll fjölskyldan var saman komin á Varmalæk, svo að þetta voru notalegir dagar.

En víkjum nú að viðburðum helgarinnar:
Í gærkvöldi var söngvakeppni á Hvammstanga. Þar var mikið af hressu fólki, mikið af drukknu fólki, bílstjóra-edrú fólki og svo svona fólki sem kann sig, eins og ég ;) Meðfylgjandi mynd er af okkur frændsystkinum Júlla og mér, og já við erum pínu vangefin :) En sigurvegari kvöldsins var Brynja og hún átti það fyllilega skilið, frábær söngkona. Hafdís og Eydís voru með myndavél á staðnum og ég var að skoða myndirnar hennar Eydísar áðan og ég get nú ekki sagt annað en að þetta eru snilldarmyndir...

Punktar kvöldsins sem stóðu upp úr:

Rígurinn á milli Loga og Grænlendingsins
Innlitið heim til Hafdísar, ég fékk baunasalatsbrauð
Módel mómentin, öll fest á filmu....
Dansinn
og barasta allt :)

Mynd dagsins í dag!

2006-03-08T11:21:00.000+02:00

Djöfull var þetta gaman.... þarna eru Ég, Elsa, Magga, Jóhanna í rólunum í tívolíinu í Norköpping. Ég ákvað að henda myndinni hérna inn, þetta var nebbla alveg magnað! Logarnir þorðu ekki í þetta tæki, þeim fannst það fara of hratt....

En það sem er helst í fréttum er það að það voru tvö mót síðustu helgi eitt á Blönduósi og eitt á Svínavatni, þau voru skemmtileg sko! Það eru úrslit og myndir og ég veit ekki hvað og hvað á Grafarkotssíðunni!!!! þannig að ég nenni ekkert að segja frá þeim.
Við konurnar í kvennaatriðinu erum alltaf að æfa okkur, það er verið að sauma búninga og alles og gengur svona ljómadi vel!!! Karlarnir eru líka byrjaðir að æfa, það er bara farið að ganga ágætlega hjá þeim :o) Svo er sýningin Laugardaginn 18. mars, allir að mæta! En jæja ég verð að fara að drífa mig að hleypa hrossunum út og moka....
Adios!

Titill

2006-03-02T20:32:00.000+02:00

Góð mynd, hehe :) þetta eru Anna, Ingveldur og ég! Þetta var eitthað verkefni um leiki í gamla daga. Ingveldur á þá líklega að vera rússnesk hún er með svona rúskí karamba húfu hehe ;)
Mér fannst vanta fleiri myndir hérna inn, ég ætla að setja nokkrar fleiri á dögunum.....

Það er að kvikna í það er að brenna í eldhúsinu hjá honum Indriða........
Hafið þið ekki horft á "Fasta liði eins og venjulega"? Bessi Bjarna syngur þetta fyrir hann Indriða (Júlíus Brjánsson) þegar það var eitthvað að brenna inni í eldhúsi hjá honum... já þetta voru góðir þættir! talandi um að það kvikni í, þá kviknaði í einhverjum tækjabúnaði í Norðurljósum í dag. Útvarpið datt út um stund og allt sko!
Ég er með ritstíflu.........

Hakúna ma tata

2006-02-24T11:15:00.000+02:00

Í gær var bongóblíða og jarðvegurinn eftir því, maður var alveg drullugur upp fyrir haus að ríða út! Við mamma fórum á 10 hross sitthvor í gær, alveg ágætt :) Við tókum einn rúnt í Gauksmýri og höfðum þrjá til reiðar hvor. Ég tók Veru, Eld og Dögg og mamma tók Flautu, Urt og Kotru, það er eiginlega það eina sem er tamið af einhverju ráði hér á bæ. Annars eru hin hrossin nánast öll 5 vetra og yngri. Já þetta er magnað, mig langaði geðveikt til að fara að keppa á Svellkaldar konur núna um helgina en ég tímdi ekki að fara með merina aðra helgi í röð svona langt! Það er líka bara vitleysa sko :) Það komu gestir í gær, Hanna, Gummi, Kristinn Örn, Gunni, Ninni og Einar Reynissynir kíktu við, svona rétt poppuðu inn í Lækjarhvamm og fóru ekki fyrr en klukkan FJÖGUR um nóttina, mér og Össu til mikillar gleði því við vorum þær einu sem mættum í vinnu í morgun. Assa mín forðaði sér bara yfir í Grafarkot svona um 3 leytið, hún gafst upp!!! :) En jæja í dag er frost og flott færi til að vera á hestbaki í allan dag. Ég er ekki með neitt plan í kvöld svo ég fæ kannski bara að borða hina langþráðu pizzu og horfa á idolið í rólegheitum. En svo förum við mamma á námskeið á laugardag og sunnudag, það verður gaman :)
Bless í bili.....

Bautatölt 2006

2006-02-19T15:46:00.000+02:00

Já ég get nú ekki sagt annað en ég sé ánægð eftir mótið :) Ég keppti á Dögginni og það gekk vel :) Ég endaði í 6-7 sæti eftir úrslitin með einkunnina 7,44. En ég hefði farið beint í A-úrslit ef að ég hefði fengið jafnar einkunnir eftir forkeppnina eða sko ég fékk 7,1 7,1 og svo 6,4... það var smá bömmer! En ég er nú samt mjög ánægð með þetta allt saman. Fyrsta skipti á ís og sonna. Gunni Reynis varð níundi á Erli. Svo voru Helga Una og Orða, Tryggvi og Stínóla, Pétur og Lúta, Rúnar og ? og Óli á Sveinsst. og Gáski að keppa héðan.... Þeim gekk bara ágætlega ég er ekki alveg viss í hvaða sætum þau enduðu.
Jáhá.. það er geggjað veður úti núna, logn og blíða. Ég ætla að kíkja á Gauksmýri á eftir og taka upp nokkur hross á video fyrir Logann og kíkja á Hrund mína :)
Silvía Nótt rústaði náttúrúlega eurovision ég sá það nottla ekki en hún var víst svöl sko.
En jæja þetta er nóg í bili við sjáumst síðar :)

Sjúddirallí rei

2006-02-13T20:59:00.000+02:00

Jæja byrjum bara á idolinu, það slapp fyrir horn. Krakkarnir voru soltið of slök svona fyrir minn smekk... En ég var samt sátt við úrslitin, Tinna á það nefninlega til að fara út af laginu. Jáhá... við konurnar í kvennaatriðinu hittumst á laugardaginn og æfðum prógramið það var mjög gaman. Eldur minn stendur fyrir sínu, þessi elska :) Svo var aðeins kíkt á barinn um kvöldið og smá partý og svona... Fórum ekki að sofa fyrr en ja c.a. 7! Þetta var gaman.
Í dag var alveg æðislegt útreiðarveður, sól og alveg við frostmark draumur í dós ;) Við mamma vorum alveg að missa okkur í útreiðunum. Hérna eru myndir af þorrablótinu endilega kíkiði
Vi ses

klukk!!!

2006-02-08T21:50:00.000+02:00

Var klukkuð af Elsu Rós svo hér kemur það:

4 störf sem ég hef unnið um æfina :
1.Tamningar og þjálfun á hrossum,
2.Gjaldkeri í Sparisjóð Húnaþings og Stranda
3.Bóndast heima (heyskap og þessháttar)
4. Úff... bara vinna í sauðburði

4 bíómyndir sem ég gæti horft á aftur og aftur:
1. How to loose a guy in 10 days
2. Love actually
3.Herkúles
4. Mulan

4 staðir sem ég hef búið á :
1. Heima í Grafarkoti
2. Á vistinni á Sauðárkróki
3. Á Varmalæk
4. Lækjarhvammi næsti bær við Grafarkot :)

4 sjónvarpsþættir sem mér líkar:
1. Friends
2.Grey´s anatomy
3. Stelpurnar
4. Mile high

4 síður sem ég skoða daglega fyrir utan blogg:
1. eidfaxi.is
2. 847.is
3. hestar.net
4. visir.is

4 staðir sem ég hef heimsótt í fríum:
1. HM í Austurríki 2001
2. fórum til Þýskalands í leiðinni 2001
3. Útskriftarferð til Spánar (Benidorm)
4. HM í Svíþjóð núna í sumar ´05

4 matarkyns sem ég held uppá :
1. Föstudags pizzan heima :)
2. Svínahamborgarahryggur
3. Hangikjöt
4. Kjúklingur eins og mamma eldar hann

4 staðir sem ég vildi heldur vera á núna:
1. Mér finnst gott að vera á Íslandi en...
2. kannski á sólarströnd
3. hlakkar til að fara á HM í Hollandi ´07
4. Já og í tískuverslun á Spáni :)

8 bloggarar sem ég klukka: (vá átta stykki, jæja ég skrifa helstu fórnarlömbin)

Kolla
Eydís
Hjördís
Rósa
Hrund
Vala
Þórunn
Þóra

ADIOS :)

Já þvílíkt stuð!!!

2006-02-05T17:14:00.000+02:00

Það hefur margt á daga mína drifið núna upp á síðkastið. Á föstudaginn var töltmót á Blönduósi, við mamma fórum á mótið ég fór með Dögg mína og mamma fór með Flautu og Urt. Það gekk bara vel hjá okkur, reyndar gerði mamma ógilt á Flautu æi.. það var einhver smá misskilningur hjá henni og hvenær ætti að byrja prógrammið.. en Urt var góð og þær enduðu í 4 sæti. Við Dögg urðum efstar eftir úrslitin, hún er algert yndi hún lilla mín. Þetta var fyrsta innanhússmótið hjá öllum merunum sem við kepptum á og fyrsta mótið yfir höfuð hjá Urt! Já gaman af því :) Helga vann unglingaflokkinn á Orðu sinni, hún er mjög flott hjá henni ;) og svo var Fríða Marý í öðru sæti á henni Reynd, hún var líka mjög flott og gaman að sjá hana aftur á keppnisbrautinni.

Kolla, Raggi og Rakel komu um helgina það var þorrablót í gær á Hvammstanga og það var mjög mjög svo gaman... Rakel Gígja var sett í pössun hjá Öllu frænku. Ég fór til Hrundar fyrir blótið og við vorum að sjæna okkur, Hrund var svo góð að nenna að greiða mér og mála mig. Mamma, pabbi og Logi kíktu svo líka í heimsókn á Gauksmýri og svo fórum við öll saman á blótið. Rósa mín kom líka og sat hjá okkur öllum á borði og á ballinu þá dönsuðum við dátt, fórum líka á rúntinn með Kidda og Hlyn á miðju blóti! Hrund sat hjá mömmu sinni og pabba þegar skemmtiatriðin voru en kom svo og tjúttaði af sér skóna með okkur á ballinu:) Logi var í skemmtinefndinni og kellingarnar misstu bara legvatnið yfir því hvað hann söng vel, hehe... eða svo heyrðist mér eftir skemmtiatriðin þegar þær komu margar hverjar og voru að dásama sönginn :) En skemmtiatriðin voru alveg frábær mikið sungið og bara mjög fyndið :) Á ballinu spilaði hljómsveit Eyfa ,,Íslands eina von" þeir voru frábærir, hann syngur svo vel, já og hinir í hljómsveitinni líka! Það var náttúrulega hringdans eins og ævinlega ég dansaði við konur og karla því eins og venjulega eru ætíð fleiri konur en karlar í hringdansnum. Koníakið var límt við hendina á pabba eins og vant er á svona skemmtunum og hann bauð gestum og gangandi upp á snafs :) Mamma, Sigga og Sigrún voru hressar og á öðrum bjór :) Eydís er sko alveg búin að jafna sig á veikindunum og var hoppandi hress í gær og Óli líka. Raggi fékk sér í báðar tærnar og Hjöddan var kát og farin að tyggja tóbak af gleði. Logi og Kolla fóru í skemmtilegan leik ég var reyndar ekki viðstödd en þau voru að rifja þetta upp í morgun, þetta var einhvernveginn þannig að þau áttu að reyna að fá fólk til að standa upp án þess að segja það, já ég veit hljómar skemmtilega hehe :) Við systurnar vorum allar með eitt stykki myndavél til að missa ekki af neinum kodak mómentum, ég set kannski nokkrar vel valdar myndir hérna inn síðar!

Smá athugasemd: Landslið Íslands stóð sig vel á Evrópumótinu og vitanlega hefði þeim gengið betur ef að Alexander hefði ekki verið kjálkabrotinn, Einar rotaður, Ólafur rifbeinsbrotinn og svo gat Roland markmaður eiginlega ekkert verið með vegna meiðsla og ekki heldur Garcia, hvað er málið á að jarða mennina! Sko slakir á ofbeldinu... En ég held með ykkur í blíðu sem stríðu :)

Ísland rokkar

2006-01-31T18:18:00.000+02:00

Þetta er hrein snilld, strákarnir okkar eru efstir inn í milliriðilinn með 5 stig eftir stórleik á Rússum :) Danir geta náð okkur ef þeir sigra Króata en það er nú allt í lagi!!! Þetta kemur allt saman í ljós.. en okkar menn eru í stuði og þeir eru snillingar!!! Já þetta er ekki slæm staða og svo er leikurinn við Króata á morgun, Króatar eru góðir en það er spurning, erum við betri? Það kemur í ljós á morgun.
Já ég er ánægð með þetta allt saman og er í gríðarlega góðu skapi. Það er bongóblíða hérna í Kotinu þetta er eins og að ríða út um vor það er svona páskablíða :) Og hrossin eru ekkert smá spræk :)
Núna um helgina er þorrablót á Tanganum.... en það er spurning hvort að það sé eitthvað merkilegt það er aðallega miðasalan á blessaða þorrablótið sem skipti máli hehe ;) Nei nei en þetta verður stuð það er alveg pakkað á blótið búið að panta rúmlega 300 miða, sem er gott :) Þannig að sjáumst þar með bros á vör

Evrópumótið í handbolta 2006

2006-01-26T20:41:00.000+02:00

Já okkar strákar eru að standa sig, fyrsti leikurinn var að klárast við Serba og hvað haldið þið... auðvitað unnum við leikinn, já ég get nú ekki neitað því að ég fyllist þjóðarstolti á svona stundu :) Svo er bara að taka á því í leiknum á móti Dönum á morgun... krossleggið fingur :) Uppáhalds handboltamaðurinn minn í ár er Guðjón Valur... hvað með ykkur?

Eru ekki allir í stuði

2006-01-23T11:14:00.000+02:00

Hana nú...
Ég fór á þorrablót á föstudaginn í Lýtó (Lýtingsstaðahrepp) Það var ágæt skemmtun ég veit nú ekki hvað ég á að skrifa um blót þetta, nema að skemmtiatriðin voru í lengsta lagi en sum voru fyndin eins og nefndarlýsingin og kallarnir tveir með gítarana, þeir Gunnar og Jón Hallur! En ég tók slatta af myndum, hérna eru myndir af fólkinu sem sat með mér á borði :) Æi ég var eitthvað að vesenast í þessu og ég veit ekki akkuru þær eru svona litlar, þær vilja bara ekki vera stærri, þið verðið bara að fá ykkur stækkunargler!

En það er bara allt að gerast hjá okkur mömmu í hestunum, ég er búin að ríða öllum 14 frumtamningartryppunum út í reiðtúr og þau eru bara öll góð, já ég verð nú bara að segja það þetta eru snilldartryppi :) Það verður gaman að fylgjast með þeim í framtíðinni. Dögg mín er algert æði, alveg að springa úr vilja en samt alltaf góð við mig ;) dýrka þessa meri... Njomm njomm. Ég var að fjárfesta í reiðdýnu didda special, ég er ekki ennþá búin að sjá hana með eigin augum, þetta var nú þannig að ég sá hana auglýsta á hestar.net á kjaraprís og ákvað bara að skella mér á hana og Kolla var svo elskuleg við litlu systir að sækja hana fyrir mig, takk fyrir það :) En jæja þetta fer að vera nóg í bili sí jú leiter alígeitor..

Einn góður ;)

2006-01-12T19:41:00.000+02:00

Tumi litli fór inn í herbergi til pabba síns og sá hann sitjandi á rúminu setjandi á sig smokk. Pabbi Tuma reyndi að fela stífa, smokki klæddan vininn með því að beygja sig fram eins og hann væri að líta undir rúm. Tumi litli spurði forvitinn: "Hvað ertu að gera pabbi?" Faðir hans svaraði snögglega: "Mér fannst ég sjá rottu skjótast undir rúmið." Þá sagði Tumi: "...og hvað ætlar þú að gera, ríða henni?"

HAHAHA...

En já þessi brandari var bara til að lífga aðeins upp á tilveruna, ég var fúl í gær því að Órator er seldur og hann fór í gær... vonandi bítur hann þau aðeins, bara smá :)

Svo fengum við skemmtilega heimsókn í gær frá Hrund, Völu og Helga Hrannari, þau voru á leið suður, stoppuðu aðeins til að pissa og spjalla, ekki slæmt :)

Fanney kveður svolítið fúl með lífið og tilveruna...

Sorglegur dagur

2006-01-06T16:32:00.001+02:00

Hæ... ég er veik og það er ömurlegt og þar af leiðandi hef ég ekkert annað að gera en að blogga, skoða blogg og e-ð drasl á netinu og snýta mér þrjúþúsundsinnum á dag... ég veit hvað þið eruð að hugsa, farðu ekki að grenja, það blæðir ekki einu sinni úr þér... þetta minnir mig bara á Svíþjóðarferðina.. og þær ágætu stöllur Möggu og Jóhönnu... :)
En svona er þetta bara, Eydís systir er nú bara búin að liggja á sjúkrahúsi síðustu daga, hún byrjaði með þessa flensu eins og ég og svo fékk hún streptókokkasýkingu... humm ok ég kann ekki að skrifa þetta orð en allavega þá er manneskjan bara fárveik, en er vonandi að lagast núna!!! Mig langar út á hestbak ég sakna hrossanna minna :(
bless...
Og svona eitt comment til Hrundar "ertu pínulítið feimin?" Mér finnst þetta bara svo fyndið elskan.... :)

Tvöþúsundogsex

2006-01-02T20:33:00.000+02:00

Gleðilegt nýtt ár og allt það!!!
Héðan er margt að frétta og svona til að telja upp það merkilegasta þá bárum við sigur úr bítum í karla- og kvennaflokki á Staðarskálamótinu í ár. Í kvennaflokki var það Húsbílaklúbbur Ingólfs, sem saman stendur af Hrund, Ingveldi, mér, Siggu Lár, Helgu og Sigríði og svo í karlaflokki var það Jakob Víðir og það eru þeir Einar Reynis, Maggi bleiki, Gummi, Logi, Eddi, Svenni, Víðir, Finnur Bessi og Óli mágur. Þannig að þetta var helvíti magnað!!! Ég veit ekki síðan hvenær Dagsbrún hefur ekki unnið Staðarskálamótið, reyndar í hittifyrra munaði einu stigi á Dagsbrún og Víðisliðinu, það var svaka leikur sko. En ég held að þeim hafi bara fundist gaman að spila við eitthvað lið sem þær þurftu að taka almennilega á! Við spiluðum bara 5 í leiknum á móti þeim og þær voru 9, þannig að ég er mjög stolt af okkur að hafa haldið þetta út. Við Ingveldur eru hvorugar búnar að æfa neitt í ár eða e-ð!!! Þannig að þetta var afrek út af fyrir sig ;)

Svo fór ég í innflutningspartý hjá Elsu Rós þann þrítugasta, það var gaman. Boðið var upp á freyðivín og bjór í bjálkakofanum á Goðdölum.

Áramótin voru mjög nýstárleg í ár, við fórum nú bara að elta allt stóðið okkar sem átti að vera á Völlum, þau voru bara komin á þjóðveginn! Og svo vorum við næstum því búin að koma þeim heim, en þá kom einhver draugur í þau og þau hlupu út um allt. Þá fóru allir aftur til Öllu frænku nema ég og pabbi, við vorum að passa að hrossin færu ekki á veginn, þannig að við vorum tvö í Land cruisernum þegar nýja árið gekk í garð. Svo þegar flugeldafaraldurinn var afstaðinn brunuðum við aftur á Tangann og við Logi fórum til Guðrúnar og Tomma og svo bara beint á ball og þar var gaman, allir ofboðslega hressir og kátir. Einar og Gunnar í ESSINU sínu, Bjöggi og Dóri mættir á svæðið og Hjördís ofsa kát... þannig að ég skemmti mér bara mjög vel ;)

Og svo eitt enn ég var í öðru sæti á vali á íþróttamanni ársins, ég mætti reyndar ekki á svæðið en mamma fór fyrir mig, ég var nebbla fyrir norðan! En núna er ég alveg flutt heim byrjuð að temja og ríða út ég fór á 8 hross í dag, 6 þeirra hafði ég aldrei prófað áður, þannig að þetta var fínn dagur og góð hross. Logi er búinn að taka inn á Gauksmýri, það er bara orðið fullt hjá honum, þannig að hann hefur nóg að gera.

En jæja krakkar mínir þetta er orðið meira en nóg í bili.

Fanneyjan kveður að sinni

Jájá!!

2005-12-28T01:17:00.000+02:00

Það var partý í fyrrakvöld hjá Stefáni Gísla það var gaman, við hringdum í Ingvettlinginn og sögðum henni klassíska brandara eins og hæ-na og Ingveldur-já-þegiðu, hún var reið og skellti á ! ! ! En okkur fannst það ofboðslega fyndið þá :) Svo í gær þá fórum við aftur á tjúttið, það var fullt af fólki hjá Stefáni í Varmahlíð og svo fóru bara allir á ball á Króknum með Von. Það var magnað ! ! ! Fullt af fólki og allir hressir (",) Elsa var hress og full og Eddi og Ásta fóru heim saman again, gaman af því ;) Á morgun er Staðarskálamótið, það verður fjör eins og ævinlega. Ég er með Hrund, Ingveldi og co í liði, Vala ætlar að vera lukkudýr ! Við ætluðum að fara á æfingu áðan, en við mættum klukkutíma of seint, héldum að hún ætti að vera þá, þannig að við fórum bara í sund með Hjördísi. Ég fékk lánað bikiní hjá Hjöddu en Hrundza og Ingvettlingur leigðu sér sundboli, þeir voru flottir ;) En jæja ég ætla að halda áfram að horfa á Kompás fjalla um vistir fanga.
Húnvetningurinn kveður, hittumst heil !

4 dagar til jóla

2005-12-20T19:35:00.000+02:00

Já.... ég veit ekki hvernig ég á að byrja þetta blogg!
En það var sparkað í innanvert hnéð á mér í gær. Það var mjög vont, ég var brjáluð og núna er hnéð á mér blátt og bólgið :( Mig langar samt að fara á körfuboltaæfingu í kvöld, sjáum til!!!
En já ég er búinn að fá einkunnirnar mínar, þær voru fínar. Ég er bara mjög ánægð að vera orðin stúdent og afsanna nú þessa hjátrú hjá ömmu hans Tomma um að maður verði ekki stúdent ef maður hefur sett á sig stúdentahúfu áður... ég er nebbla mjög hjátrúafull en stóðst samt ekki mátið þegar Eydís útskrifaðist að máta húfuna hennar, samt bara í nokkrar sekúndur og var mjög hrædd um að nú væri þetta bara búið ég myndi aldrei útskrifast en vitir menn þetta er bara asnaleg hjátrú, sem betur fer.

Við fórum í afmæli til Sigga á laugardaginn, það var geggjað fjör í þessu afmæli, góð bolla og fullt af bjór. Það mættu bara allir í afmælið og það var þvílík stemma í fólkinu ;) Sumir fóru að gráta, sumir að hlæja, aðrir voru í því að detta (Hrund) og svo var mikið drukkið, sungið og dansað ;)

En jæja bæ bæ (",)

Skólanum er að ljúka..

2005-12-12T12:08:00.000+02:00

Ég á aðeins eitt próf eftir í Fjölbrautaskóla Norðurlands vestra, pælið aðeins í því.
Það verður dásamlegt að þurfa ekki að hanga á rokrassgatinu mikið lengur, þó það hafi nú verið ansi gaman oftast ;) Sérstaklega þegar maður var á vistinni, fyrstu 2 árin voru svakalega skemmtileg, þá voru líka allir vinir mann s.s Siggi, Víðir, Logi, Hjördís, Ingveldur, Krissi, Guðrún, Tommi, Gunni, Maggi bleiki, Hrund, Vala, Silja og fullt af fleirum ohh... gaman En svo þegar þau fóru að týnast í burtu þegar ég var á 3 ári og komu inn einhverjir nýir skrítnir busar, nema Rósa og co nottla! Og þá var ekki eins gaman, en ágætt samt! Á 2. ári gerðum við mjög eftirminnilega hamstramynd sem ég þyrfti að sýna einhverntíman, það var alger snilld!!! Ég fór bara eitthvað að hugsa um þetta áðan og bara ohh djöfull var gaman á vistinni!!! Það eiga ábyggilega allir sem hafa verið á vistinni einhverja fyndna sögu þaðan, þannig er það nú bara...
Já já það er gaman að rifja upp gamlar minningar, Fanney gamla kveður að sinni!

Jólin nálgast eins og óð fluga!!!

2005-12-06T12:16:00.000+02:00

Ég er í prófum er búin með 3 og á 2 eftir, þetta tussast eins og sagt er hérna í firðinum. Ég hlakka alveg óskaplega til þegar þetta gengur allt yfir því þá er mín bara orðin stúdent! Og ekkert búin að vera í skólanum síðustu önnina bara að vinna sko, magnað!
En já ég er að rembast við að búa til eitt stykki ensku ritgerð um íslenska hestinn, mjög áhugavert sko ;) Heiða situr hérna sveitt við hliðina á mér og er að gera skýrslu í íþróttafræði...
Ég er búin að taka inn á Varmalæk, hann Eld minn og svo erum við búin að taka inn hva... 5 stykki til viðbótar, þannig að þetta fer allt að byrja. Svo bráðum fer ég heim og þá byrjar ballið að þjálfa alla skemmtilegu hestana, get ekki beðið. En þangað til verður maður að læra eins og sveittur borgari.....
En ég var uppáhalds áðan hjá Rakel Gígju, við vorum í heimsókn út í Gröf áðan og það var bara Nanney taka á hestbak og Nanney leika með dótið!!!! Hehe..

Adios

Ertu ekki í gríninu?

2005-11-25T19:33:00.000+02:00

Tvennt er það sem liggur mér á hjarta núna:

Í fyrsta lagi þá þoli ég ekki walkman auglýsinguna sem er alltaf í sjónvarpinu það er svona sími sem öskrar og svo kemur walkman er alæta á tónlist.... ojjjj ég þoli ekki þessa hávaða auglýsingu.
Í öðru lagi þá er ég ÖSKUILL út í KB-banka, þeir eru bara hreinlega að ræna mig aleigunni. EKKI fara í viðbótarlífeyrissparnað hjá þeim, það er bara rugl aðrir bankar og sparisjóðar bjóða miklu betur.. þetta eru bara glæpamenn! Og hana nú.

Já svona til að róa mig aðeins þá fór ég á hestbak áðan á Órator, hann var mjög skemmtilegur, óheyrilegur gæðingur eins og Hjalli á Tunguhálsi myndi orða það ;) Við fórum nebbla í smá heimsókn í Tunguháls í gær að skoða nýja hesthúsið þeirra, það er mjög flott! Svo eiga þau líka geggjað flotta collie (lassy) hunda og ég er búin að panta að halda Össu undir einn þeirra, þegar að því kemur ;D En já svo ég haldi áfram með söguna þá fór ég líka á Indíána áðan í fyrsta skipti. Hann kippti sér nú ekkert upp við það að ég sæti á honum, hann var aðallega hræddur við Einar sem var að lónsera hann hehe..... Það er föstudagur þá er pizza í matinn, bland í poka á stofuborðinu og idolið í sjónvarpinu ;)

Hvar er partý?

2005-11-17T18:16:00.000+02:00

Uppskeruhátíðin var um helgina, hún var mjög skemmtileg. Raggi Kalli eldaði matinn, mér fannst hann að vísu ekkert sérstakur, ég veit ekki hvað það var en mér fannst svínakjötið og nautakjötið ekki gott. Þannig að ég borðaði bara lambakjöt og graflaxsbrauð. En já svo ég haldi áfram þá voru veitt knapaverðlaun, verðlaun fyrir hæst dæmdu kynbótahrossin og ræktubarbú ársins. Svo voru rosalega fyndin skemmtiatriði og að lokum dansleikur. Ég lék hlutverk hjónabandsmiðilsins eins og svo oft áður... hehe Eyrún var hress ;) Ég skemmti mér ákaflega vel á ballinu fór í hringdans og hvaðeina. En ég verð nú samt að játa að ég man ekki alveg allt.... í fyrsta skiptið á ævinni sem það kemur fyrir... en já það var gleði!!!!

Við Logi vorum að kaupa okkur jeppaling, ótrúlega flottan Chevorlet Blazer og við erum alveg hæstánægð......

En já ég á bráðum afmæli, fólk verður bara að átta sig á því hvenær það er ;D Það er alltaf jafn gaman að vera afmælisbarn, mamma bakar kannski köku humm????

Assa er upprennandi barnapía, Hanna var á hestbaki í gær og þegar hún kom heim þá sat Assa hjá barnavagninum og gelti á hana því þá var Kristinn vaknaður og hún passaði hann bara á meðan Hanna var í reiðtúr. Þetta er snillingur!

Sé ykkur seinna

Bubbi segir frá

2005-11-10T21:49:00.000+02:00

Jæja nú jæja látum hann hlæja, kannski hann hlæi ekki í annað sinn.
Ég er alltaf að mála, mála, mála, mála mig hála, hála, hála í vinnunni og það er gífurlega spennandi það ætti að fá svona íþróttafréttamann til að lýsa leiknum, alveg ahhh hún missti af bletti og í dauðafæri. Nei nei þetta er nefninlega ekki spennandi! En eins og mamma mundi segja hlutirnir gerast ekki af sjálfum sér (hooo hrollur) Ég þoli ekki þessa setningu!

Uppskeruhátíð Þyts er um helgina, þá verður fjör. Stefán Óskarsson og co er að spila (ekki það að ég viti hverjir það eru) Það ætla nokkrar gellur úr Skagafirði að mæta, allavega Eyrún, Ásta, Dana, Tinna og kannski Þórdís..... þær ætla að halda rúst partý heima hjá Rósu!!!! ;D

En það er að frétta heiman af að við erum búin að taka inn slatta af hrossum, Indíáni minn er m.a. kominn inn. Ég ætla að reyna að tjónka eitthvað við hann (",) Það eru alveg fullt af efnilegum hrossum inni núna, undan Dyn frá Hvammi, Hróð frá Refstöðum, Eið frá Oddhóli, Randver frá Oddhóli, Sæ frá Bakkakoti, Sveini-Hervari frá Þúfu, Órator frá Grafarkoti, Roða frá Múla og Gammi frá Steinnesi og fl. gæðingum - ekki amalegt

En já svo ég komi inn á það eins og Eydís var að tjá sig um hérna í commentunum að þá eigum við mikið stóðhestefni frá Sauðá, hann heitir Hrollur og er undan Gretti frá Grafarkoti og hryssu frá Sauðá sem ég man ekki hvað heitir, en hann Hrollur átti að fara í SL-húsið, en hann var bara svoooo sætur að við Eydís gátum ekki látið það gerast. Ég hefði farið að gráta sko!!!! En já þannig að við ættleiddum þennan litla fola, það eru nokkrar myndir af honum á síðunni hennar Eydísar... Ef þið viljið kaupa hlut, hafiði þá samband við okkur Eydísí.

En ég var að lesa blaðið "Hér og nú" og það var eitt geðveikt fyndið það stóð einhvað svona hún Dísa í worldclass mætti með fallegu börnin sín á einhverja uppsetningu hjá einhverjum dansflokki og svo stóð þau voru í eins skóm... hehe og hverjum er ekki sama!!!

Og já á meðan ég man, þá var ég á fá mér nýtt commenta dótarí, vegna þess að það var aðeins hægt að setja fimm comment inn á síðuna...... Og þá duttu öll gömlu commentin mín út :( OHH

Fróðleiksmoli dagsins er: Maður lærir á meðan maður lifir

(eins og Hebba á Varmalæk segir alltaf)

Fullt af snjó út um allt

2005-11-04T15:19:00.000+02:00

Halló halló!
Það er snjór út um allt, mér finnst það gaman, mig langar að fara á snjósleða. Logi er að reyna að koma snjósleðanum hans pabba síns í gang og vá hvað mig langar að fara eina salíbunu... En já ég er búin að vera veik alla vikuna. Er loksins orðin hress í dag. Við smituðumst af Svenna og Ingibjörgu þegar við fórum suður.... damn you ;D En já það eru allir búnir að smitast nema pabbi, mamma og Eydís eru búnar að búa á lettinu. ÚGEÐ!!!!!
Já það er ekki alveg víst hvort að folaldasýningin verður, það er einhver deyfð í austur Húnvetningum, þeir geta nottla ekki neitt híhí :D Djók!
Assa og Vala eru algerir varðhundar, það má ekkert dýr hreyfast hérna á bænum þá láta þær mann vita. En ég held að þetta verði afbragðs smalahundar, allavega Assa ;D
En ég er að spá í að fara á hestbak aðeins, bara aðeins mig langar svoooo á hestbak..........

Seinna

Gjörsamlega pöddugeðveikt veður

2005-10-31T19:43:00.000+02:00

Já þannig var nú það að Ég, Logi og Stebbi gamli í Laugarmýri lögðum af stað úr Reykjavík eitthvað um 4 leytið. Allt í lagi með það, nema að það var hundleiðinlegt veður á leiðinni við keyrðum bara á 30-80 km hraða yfir Holtavörðuheiðina. Svo stoppuðum við í Brú og Stebbi fékk sér að borða, en við Logi ákváðum að bíða með að borða því það var svo stutt heim.... héldum við!!!!!
Svo þegar við vorum komin að brúnni á Miðfjarðará þá skall á þetta þvílíka óveður, við bara jæja héldum áfram á 0 km hraða. Þarna myndaðist þessi þvílíka bílaröð og við vorum ekki viss hvar við værum einu sinni... svo sá ég skiltið með hestinum á og þá fattaði ég að við vorum hjá Ósi ég hélt við værum komin miklu lengra. En allavega bílarnir mjökuðust áfram í halarófu og það var svo mikill snjór á veginum og einu sinni þegar við vorum að taka af stað þá drapst á bílnum og bara á því augnabliki bara búmm var klesst aftan á okkur.
Flugbjörgunarsveitin mætti á staðinn og stoppaði alla umferð, vegna þess að það höfðu nokkrir bílar farið út af veginum og þetta var bara algert kaos. Við keyrðum út í kant hjá Norðurbraut með því að elta einn björgunarsveitamanninn og byrjuðum að bíða. Og við biðum og biðum og biðum..... í 3 klukkutíma eftir hjálp! Við gátum ekki farið út á Hvammstanga með hópnum sem fór þangað, því önnur rúðuþurkan fauk af og hin var frosin föst. Það endaði með því að björgunarsveitin náði í okkur úr bílnum og við ásamt mörgum öðrum vorum flutt út á Laugarbakka í Ásbyrgi. Þegar við komum þangað þá voru eitthvað um 80 manns þar. Kári Mar með heilt körfuboltalið (litlir strákar á gelgjunni) og bara hellingur af liði. Okkur leist nú ekki á blikuna, þetta var eins og að vera í flóttamannabúðum. Ég hringdi strax í Sæu og bað um gistingu og vitir menn haldiði að kellan hafi ekki bara búið um okkur og gefið okkur að éta og alles... Við gistum þar í góðu yfirlæti. En til að toppa þetta allt þá vaknaði Logi klukkan 5 í nótt með þessa þvílíku pest, upp og niðurgang og hita og bara allan pakkann. Hann er búinn að vera ælandi upp og niður í allan dag!!! Magnea og Bjössi tóku Stebba með sér í Skagafjörð, vegurinn var opnaður í smástund í fylgd snjómokstursbílsins. Svo loksins um 5 leytið þá keyrði Gunnar Ægir okkur Loga á móti pabba og hann gat náð í okkur með því að keyra gamla veginn (hestaveginn). Vegna þess að hinn vegurinn er ennþá lokaður, það fór vörubíll út af. Pabbi lenti líka í því að hjálpa manni sem var með kerru sem valt bara á hliðina. Svo veit ég að Kobbi var með 16 hross á hestaflutningabílnum ég veit ekki hvernig það fór með hann... En núna er veðrið að færast norður þetta er alveg pöddugeðveikt veður, en hey þetta er í fréttunum núna ég ætl að fara að horfa!!!

Vonskuveður

2005-10-29T14:02:00.000+03:00

Vegna veðurs þá komst ég ekki á menningarkvöldið sem var síðasta miðvikudag, en ég var að skoða myndir og vá.. hvað allir voru flott málaðir í bodypaintinu. En flottust af sjálfsögðu var hún Rósa mín ég setti inn mynd af henni hérna ;D og aðra af mér, þegar ég tók þátt á HVT. Skondið að við erum eins á litinn...

Annars fór ég á ball á Þinghúsinu í gær, það var gaaaaaaman. Það var sláturhússlútt og alveg hellingur af fólki á barnum! Ég held ég sé með kúlu á enninu, það var ótrúlega fyndið ég kom svona aftan á hnén á Einari Reynis og lét hann kikna og hann tók þetta þvílíka viðbragð og þeyttist aftur á bak með hausinn og bara búmm skallaði mig!!! En þetta var samt svo fyndið að sársaukinn gleymdist alveg hehe... Það voru alveg 40 útlendingar þarna, Pólverjar, Svíar og e-ð fl. En já þetta var stuð!!! Það var mikið dansað og helst mjög líflega dansa svo sem sturtudansinn og fleiri góða. En Logi er svo brattur að hann ætlar að fara að æða suður núna að sækja kerruna, þó að það hafi ekki nema ca. 10 bílar farið út af á Holtavörðuheiðinni... En já já við erum brött!!!

Seinna

Við kynnum til sögunnar.....

2005-10-27T23:14:00.000+03:00

Blogg dauðans...
Ég er að glápa á strákan á stöð tvö og á eftir er footballers wifes jibbí... það verður nú meira fjörið.
En hún Gerður Rósa Sigurðardóttir tók þátt í bodypaint í gær og hún vann auðvitað gellan sko! það koma myndir af þessu á djamm.net einhverntíman bráðlega!
En í fréttum er þetta helst að við Logi vorum að kaupa 3ja hesta kerru, ægilega mergjaða. Það á að taka inn hross um helgina, fullt af tamningartryppum og graðhestana. Ég hlakka til að sjá öll nýju hrossin sem á að temja t.d. Indíána það verður nú eitthvað fjör ;D
Já já.. það er alltaf skítakuldi úti og erfitt að rífa sig út á morgnana svona eldsnemma! Ég væri alveg til í að tínast bara.. En jæja skrifa meira seinna

Bubbi kveður að sinni!

Hvaða drykkur ert þú? ;D

2005-10-18T23:08:00.000+03:00

Which Alcoholic Drink Are You?

Ég er Cocktail.....

Taktu prófið ;D

ASSA

2005-10-17T13:09:00.000+03:00

Sumt fólk á erfitt

2005-10-14T16:58:00.000+03:00

Afi á afmæli í dag, hann er 70 ára kéllinn ;D
Ég var að koma úr söguprófi það gekk bara vel, ég var í frönsku í gær. Þá eru prófin búin...
En ég er að fara í sumarbústað um helgina í Munaðarnesi í tilefni af afmælinu hans afa. Það verður örugglega svaka game. Svo er ég enn á báðum áttum hvort ég ætti að fara á tónleika með Heru á Þinghúsinu eða sviðamessu í kvöld.
En allavega þá er ég eitthvað svo tóm í hausnum að ég get ekkert bloggað af neinu viti. Jú ég get sagt ykkur það í óspurðum fréttum að ég er orðin svona pínu fræg. Það kom mynd af mér með brúnlesa litla á Eiðfaxa. Fréttin heitir „boðið upp í dans"
Og já svo var Rósa að segja mér að það er eitthver klikkuð eða bara skrítin stelpa að stela myndum af ýmsum hestum á hinum og þessum heimasíðum og hún tók meðal annars tvær myndir af grafarkotssíðunni af tveimur merum sem við erum búin að selja þær Festi og Sigð og skírði þær bara upp á nýtt og segist eiga þær og að þær séu ræktunarmerar og undan hinum og þessum og bara eitthvað bull... Festi er meira að segja farin til Bandaríkjanna bara úps... Skrítið fólk. Sko þetta er algert bull hérna er síðan og svo eru fullt af fólki búið að commenta á hestar.net hérna Sumir eiga nú bara eitthvað erfitt. Í alvörunni skoðið þetta.

Stóðréttir djamm og læti

2005-10-02T20:33:00.000+03:00

Við vorum að spekja folöldin um helgina, eða það þurfti nú ekkert mikið að spekja þau. Þau eru algerar dúllur. Þetta er litla hryssan mín hún Sjón.
En allavega það var ógeð gaman á stóðréttarballi í Víðihlíð, þvílíkur fjöldi á ballinu, allir hressir!!! Ég skemmti mér alveg ægilega vel, Tinna, Ásta og Eyrún komu í réttina og svo á ball.
Svo voru þarna alveg fullt af skemmtilegum Skagfirðingum og hressum Húnvetningum. En já allavega þetta var mjög skemmtilegt allt saman.

Assa nýi hundurinn okkar Loga er orðin alger trukkur, alltaf að hjálpa til, þó hún sé nú lítil ennþá.

ég var klukkuð!

2005-09-26T17:54:00.000+03:00

1. ég er hestakona í húð og hár

2. ég borða pizzu heima í Grafarkoti á föstudagskvöldum

3. ég er félagsvera, mér finnst leiðinlegt að vera ein, (til lengdar)

4. ég kem úr samheldinni fjölskyldu

5. ég geng í gúmmiskóm og hlusta á kaffibrúsakarlana

Rósa, Heida, Hrund, Vala og Hafdis Yr ég klukka ykkur.....

Göngur

2005-09-09T20:54:00.000+03:00

Sælir félagar!
Jæja nú styttist í göngur, þær eru bara á morgun ;D Kindin mín á eftir að koma heim þannig að ég hef meira að segja erindi í göngur sem rollubóndi.
Það er svosem ekkert í fréttum nema bara að ég er utan skóla í 4 fögum, ég vinn á Lambeyri sem afbragðs smiður og þess á milli er ég að temja nokkur hross á Varmalæk. En ég er vonandi að fá mér hvolp, ég er bara að skoða núna, mig hefur nebbla alltaf dreymt um að fá svona aðra Píu. Hún var blendingur bordercollie og collie, kannski er ég búin að finna rétta hvolpinn, það kemur bráðum í ljós ;D En ég ætla ekkert að hafa þetta mikið lengra í bili.
Spurning dagsins: á að fara á réttarball í Víðihlíð?
Myndir frá göngunum sjá hér

over and out

Flutt á lækinn

2005-08-30T13:27:00.000+03:00

Jæja nú jæja látum hann hlæja!!!
Ég er flutt á Varmalæk, við Logi fluttum í gær með allt okkar hafurtask. Ég er ekki að nenna að byrja í skólanum. Ég fékk alveg agalega fína stundatöflu með heilum 3 áföngum á. Ég fór í skólann í dag og Keli og Ásbjörn tóku bara töfluna og ætla að reyna að púsla henni saman, maður er nottla að útskrifast og á rétt á því að þessu sé bara reddað!!!
En það sem helst er í fréttum er það að ég fór í hestaferð um helgina, við fórum ríðandi í Skagafjörðinn með alla Skagfirsku hestana plús hana Veru mína og Eldinn. Þau eru að vísu komin heim aftur í langt og gott frí!!! Þetta var alveg snilldar ferð, fyrir utan veðrið kannski og óhöpp með 2 hryssur. Það var versta veðrið þegar við fórum frá Þverárétt og yfir hópið, það var bara súld og suddi. Við lentum líka í því að sundríða yfir Húnavatnið í þvílíkum öldugangi. Og á Kiðaskarðinu var 20 cm jafnfallinn snjór. En þetta endaði þó allt vel hjá okkur. Þegar við komum heim var skellt í sig mat og drykk og farið í sund og haft mikið gaman ;)
En ég verð nú að koma því að hann Logi minn á afmæli í dag. 21 árs strákurinn, gaman af því!
En jæja ætli ég láti þetta ekki duga í bili.

Over and out

Þriðjudags eftirmiðdegi

2005-08-23T20:08:00.000+03:00

Hæ hæ og hó!
Það er allt gott að frétta úr hvamminum. Við Logi erum að skila af okkur hrossum í stórum stíl, tamningarsumarið mikla er senn á enda. Við kíktum á þinghúsið á laugardagskvöldinu, þar var singstar keppni. Margir tóku þátt. Logi og Einar frændi tóku nokkur stelpulög, Einar valdi lögin þetta voru allt bölvuð stelpulög sem þeir gátu ekkert sungið. Svo tók Hjalti frændi 1-2 lög. En ég held samt að Erna hafi átt kvöldið, þegar hún söng maístjörnu við ekkert undirspil.... Svo fórum við einn skemmtilegan sunnudagsrúnt á sunnudeginum (vitanlega). Ég var að kynna sveitina fyrir Loga, við fórum vatnsneshringinn. Skoðuðum meðal annars Hvítserk. Já já... en á morgun erum við að fara að leggja af stað í hestaferð. Við erum að fara að ríða norður í Skagafjörðinn. Ég veit nú ekki hvernig þetta verður, því það er spáð alveg hundleiðinlegu veðri, það er komið haust og skólinn er að fara að byrja.

Fanney over and out

Svíþjóð 2005

2005-08-13T15:57:00.000+03:00

Halló, ég er komin heim frá Svíþjóð núna, ég var á heimsmeistaramótinu í Norköpping. Það var ótrúlega gaman, mikið fyllerí á liðinu og mikið sungið! "Kóngur um stund" fólkið kom og myndaði okkur, úfff.... ég hlakka ekkert mikið til að sjá það! Ég held að ég hafi séð flottasta töltara ever, Hvin frá Holtsmúla, vááá hvað hann er flottur. Mótið var að vísu ekki alveg nógu gott. Vondur matur, skrítið mótssvæði og léleg klósettaðstaða. Við gistum í tjaldi, það var svosem allt í lagi en ég var samt mjög fegin að komast á hótelið á sunnudaginn. Hótelið hét Grand Elite hótel og var 4ra stjörnu hótel. Guðni Ágústsson var meira að segja á saman hóteli híhí ;) Við vorum þarna 9 fyrstu nóttina þ.e. Ég og Logi, Magga og Logi, Jóhanna, Elsa, Axel, Jói og Kiddi. En svo seinni nóttina fóru Axel, Jói og Kiddi í heimsókn til Sissós þannig að við voru bara 6 eftir! Við fórum í tívolí í Stokkhólmi það var geggjað gaman, við fórum 4 sinnum í rússíbana, við fórum líka í víkingaskip, töfrateppi, parísarhjól, draugahús, rólur og mörg önnur tæki. Ég á myndir af þessu öllu, við Logi keyptum okkur nebbla stafræna myndavél í fríhöfninni ;) En jæja ég þarf að fara í heyskap núna....

Bless bless

Fjórðungsmót, íslandsmót, hestaferð, unglist og nýtt folald

2005-07-17T23:01:00.000+03:00

Halló...
Langt síðan síðast!!! Það er búið að vera fullt fullt að gerast, við Logi vorum að koma úr 5 daga hestaferð, geggjað gaman ;) í hestaferðinni var ég, Logi, Svenni, Ingibjörg, Dagný, Óli, Hanna, og Sylvía. Fyrsta daginn var farið í Böðvarshóla, annan dag var farið í Galtanes, þriðja daginn var farið yfir Þingeyrasandinn og áð í Steinnesi. Fjórða daginn var farið aftur til baka og í Hvol og svo fimmta og síðasta daginn var riðið heim í Grafarkot.
Við kepptum á fjórðungsmótinu, það gekk vel þar, við Dögg unnum tölt ungmenna með 7,61, Logi var í 7. sæti á Ögrun. Mamma keppti á Flautu og Órator, það gekk bara vel hjá henni hún fékk 6,63 og 6,80. Helga Una og Orða unnu tölt unglinga, Þytsfélagar eru alveg að standa sig. Svo fórum við á íslandsmótið, ég var í 8. sæti í 4-gangi á Flautu og 4. sæti í tölti á Dögg. Það gekk ágætlega hjá Loga hann keppti á Flautu og Trausta og Helga var í 12. sæti á Glanna í 4-gangi og svo keppti hún á Lútu í tölti og var í svipuðu sæti á henni. Sonja var 3-4. sæti í 4-gangi á Freyju.
En núna er unglistin að byrja, það er margt og mikið að ske, komin flott dagskrá um allt saman, ætla ekki allir að fara á ball á laugardaginn með Bermúda í Víðihlíð????? Það verður STÖÖÖÖÖÖÖÐÐÐÐ......

En nýjustu og bestu fréttirnar eru þær að ég er orðin amma, hún Ásjóna mín kastaði brúnskjóttri hryssu undan Órator núna 21. júlí ;) Ég er himinlifandi og stoltur eigandi!

Fanney over and out

Gæðingamót Þyts

2005-06-29T19:39:00.000+03:00

Jæja þá er gæðingamótið búið, mér gekk vel! Við Dögg fengum 8,67 í forkeppni í B-flokki og við vorum efstar, svo í úrslitunum klikkaði hæga töltið hjá mér en ég var samt efst ásamt mömmu og Órator, við mamma vorum jafnar upp á 4 aukastafi með einkunnina 8,51. Gréta reið Flautu í úrslitunum og þær voru nr. 3 Helga Una og Nös voru nr. 4 og Logi og Gleði voru nr. 5
Já já svo eru öll hin úrslitin á eiðfaxa.is og grafarkot.is
Ég fór með Loga á ættarmót um helgina, sem betur fer voru þær stöllur Dana og Elsa Rós á staðnum, við kíktum á ball á Hofsósi, ég, Elsa, Eddi, Svenni og Tjörvi. Við vorum aðeins utan við okkur og keyrðum framhjá Hofsósi híhí ;) En svo fórum við til baka og beint á ball með Upplyftingu, þeir voru svaka góðir.. gaman að hitta Völu, Binna, Gísla og co svo kíktum við aðeins til Silju á barinn. En jamm þetta var fyndið kvöld. (",)
Við erum að fara á fjórðungsmótið annaðkvöld. Ég, mamma og Logi ætlum að keppa í tölti. Ég ætla að keppa á Dögg, Logi á Ögrun og mamma á Flautu og Órator. Við erum búin að fá rónabílinn í láni á mótið það verður snilldin ein að rúnta um á gulum benz með dagblöðum utan á, ætli það taki einhver eftir okkur þegar við komum?

Fanney over and out

Hola!!!

2005-06-19T21:28:00.000+03:00

Jæja hæhæ... það er margt og mikið búið að ske, m.a íþróttamótið, 17 júní hátíð og þrusu gott ball á Hvammstanga. Það vita nú allir hvernig íþróttamótið fór. Í gær fórum við Logi á Varmalæk í gær og þar var haldið upp á sveinsprófið hans Loga, strákurinn með 9,1 fyrir stykkið, efstur af öllum og fyrstur meira að segja, maður klökknar bara ;) En já svo í veislunni barst eitthvað í tal firmakeppni Stíganda sem átti að vera daginn eftir, Bjössi á Varmalæk var nebbla að sjá um keppnina og hann bara bauðst til að lána okkur hesta og reiðbuxur, skó, hnakka og allar græjur. Það átti reyndar eftir að járna þá. En við slógum til, vöknuðum í morgun og járnuðum Höfðingja, Hyllingu og Varma. Hylling er merin hennar Siggu í Goðdölum og hún keppti á henni í kvennaflokki. Varmi var nú reyndar á járnum fyrir en búinn að vera í löngu fríi. En ég tók bara skeifnasprettinn á Höfðingja, þetta er bara þrusuklár og við vorum í 2. sæti í kvennaflokki og Logi og Varmi voru í 2. sæti í karlaflokki! Helvíti gott ;) En núna erum við komin heim og við erum að fara að halda aftur upp á sveinsprófið með því að grilla heima njomm njomm get ekki beðið....

Fanney over and out

Benidorm

2005-06-06T23:35:00.000+03:00

Halló halló!
Ég sit hérna á pubbnum sem er á hótelinu mínu (Buena vista) og ég var ad skoda einkunnirnar frá kynbótasýningunni sem var í dag á Tanganum... gekk vel og sumt veit madur ad á ad haekka!!!! En já hédan er allt gott ad frétta, vid fórum í tívolí í dag... vorum allan daginn, tad var geggjad gaman! Ég fór í oll staerstu taekin, órúlegt en satt. Ég er eiginlega mjog stolt af mér, tví ég er svo agalega lofthraedd!!!En ég er líka búin ad fara í vatnsleikjagard og fullt af búdum og geggjad flotta dansýningu, sem var í Benidorm palace!!! Ég er búin med 3 einnota myndavélar, tannig ad tad er nóg af myndum til!!! Ég hlakka samt geggjad til ad koma heim, ég sakna allra svo mikid, stelpurnar voru bara hvad er ad tér, taer vildu helst vera í 3 vikur en ekki ég, ég sakna klakans ;) En ég verd samt ad skrifa eina skemmtilega sogu, sko í dag tegar vid vorum ad fara heim á hótelid frá tívolíinu, tá komu tveir taxar og einhverjir adrir Íslendingar og 4 af okkur fóru upp í tá og svo átti ad senda annan taxa fyrir mig, Hjordísi, Onnu og Ingveldi og vid bidum og bidum, tad var verid ad loka tívolíinu og eftir klukkutíma tá keyrdu oryggisverdirnir okkur nidur a eitthvad hringtorg og sogdu okkur ad bída hér, teir voru búnir ad hringja á taxa fyrir okkur og vid bidum og bidum í hátt í tvo tíma og enginn taxi, en sem betur fer tá kom einn strákurinn sem hafdi keyrt okkur á hringtorgid og fyrir eintóma heppni tá mundi ég númerid á leigubílastodinni og tá loksins kom taxi, ég hélt vid yrdum ekki eldri!!!
Vid villtumst líka í gaer, eftir pubbarolt en tad er onnur saga og allt of long...
bid ad heilsa ykkur í bili, kem heim brádum ;)

Mamma á afmæli í dag

2005-05-29T16:26:00.000+03:00

Já það er rétt, mamma á afmæli í dag (",) Til hamingju með það. Við vorum að enda við að borða afmælismatinn, læri með öllu tilheyrandi ummm... ofsa gott! Svo gerðum við heita marssósu með ísnum í eftirmat njomm njomm... En ég fór á ball í gær á Þinghúsinu með hljómsveitinni "Touch" það var gaman gaman... Sirrý Ása náði í okkur systurnar í Grafarkot og við fórum á Laugarbakka til Sæu og Elísu, þar var verið að drekka, spila og solleis, svo fórum við á barinn... við Hafdís hringdum í fullt af fólki ég hlít að hafa talað lengi við nokkra, inneignin er allavega búin ;) Ég vann líka gaurinn sem spilar á gítar í hljómsveitinni í billiard múhaha... Kjartan Óli þinghússtjóri er líka orðinn nýi stórvinur minn, ég fékk samloku hjá honum umm.....
Svo fór ég út í sjoppu áðan að kaupa ísinn og fólkið var eitthvað hissa á því að ég væri svona hress í dag ég skil það ekki alveg sko ;) En Kolla systir var enn skrautlegri í gær, enda er heilsan eftir því hjá henni híhíhí... Við pabbi erum búin að vera að marka og setja út í allan morgunn... það eiga bara 3 kindur eftir að bera! Það er gott gott veður og bara 3 dagar í utanlandsferð ;) En jæja ég er að fara út í Miðfjarðará að ríða á fjörunum ví...

Fanney over and out!

Eurovision púff....

2005-05-21T13:12:00.000+03:00

Æjæj.. Selma datt út, þetta er nottla bara rugl sko! Mér finnst að þetta ætti að vera 70% dómarar og 30% símakosning... annars er þetta bara bull sko! En ég er samt ánægð með að Ungverjaland og Noregur komst áfram.... Nú er bara að halda með þeim eða einhverju nýju landi í kvöld!!! En ég er búin að fá einkunnirnar mínar, ég var ánægð með þær... fékk fjórar 8 og fimm 9. Það er fínt bara!!! Núna er að líða að kynbótasýningum og bráðum íþróttamót, en áður en að íþróttamótið er þá fer ég nú fyrst til Benidorm vúhú.... Mig hlakkar mikið til!!!
En jæja ég þarf víst að fara að setja hrossin út og sópa stíurnar.
p.s það er skítaveður, alltaf rok.....

Fanney over and out!

Aftur heim.. lalalala

2005-05-16T19:47:00.000+03:00

Það var gott partýið hjá Helga Hrannari, mikið trallað og fullt af góðu fólki sem mætti. Ég, Logi, Logi Fannar, Elsa Rós og Búi fórum saman. Við gáfum honum vel valda gjöf, koníak, kanelsnúða, súkkulaðisjeik og svoleiðis gotterí (",) En jamm það var ýmislegt gert í afmælinu, nokkur ræðuhöld og svo var dansað og sungið langt fram eftir kvöldi!
Á laugardagskvöldinu fórum við á ball á Þinghúsinu með hljómsveitinni "Signia". Ég var að keyra, það var bara gaman. Ég fór með Eydísi út í Gröf um nóttina til að athuga hvort það væri eitthvað að bera, það var ein að bera svo ég skildi hana eftir og fór svo aftur eftir hálftíma að ná í hana.... Já já við erum alltaf að ríða út á fullu heima í kotinu, ofsa stuð!!! En jæja þetta er nóg í bili... BLESS

Stolt dagsins!

2005-05-10T01:26:00.000+03:00

Eydís og Óli fóru út á Velli áðan að heimsækja tryppin, þau tóku myndir af þeim. Þetta er hann Indíáni minn undan Eið frá Oddhóli og Snót frá Miðhópi, ég get ekki beðið eftir því að byrja að temja hann. Við hliðina á honum stendur Ári, hann er undan Sál frá Grafarkoti og Roða frá Múla.

(",) En maður gæti bara farið að væla, mamma og pabbi eru að selja svo mörg góð hross núna :(

Ósvör, Ígul, Telpu.. svo voru Spakur og Fleygur seldir líka.... ohh það er svo leiðinlegt að þurfa að selja þau öll!!!! Í nótt fæddist lítil rauðstjörnótt hryssa undan Parker og Tign, fyrsta folaldið sem fæðist vorið 2005 (",)

En svo ég fari út í aðra sálma, veit einhver hvort það sé ball í Miðgarði 13 eða 14. maí???? það var einhver að babla e-ð um það!!!!!! HUMM?

Góður draumur maður...

2005-05-09T12:23:00.000+03:00

Hæ, ég er flutt heim með allt mitt hafurtask. Við fluttum inn í Lækjahvamm um helgina. Við byrjuðum á því að þrífa og þrífa og þrífa... ég missti mig alveg á ryksugunni og Logi á tuskunni (",) Þannig að það er búið að setja gardínurnar í þvott og allt. Svo rifum við allt utan af kerunni, þannig að það er bara grindin eftir... já já það er allt í vinnslu hjá okkur Flame ;)
En ég er búin að vera með e-ð helv.. kvef síðastliðna viku og ég er ekki búin að finna bragð í 4 daga, þá meina ég EKKERT bragð, hafið þið lent í því? Í dag er fimmti dagurinn og vonandi fer bragðskynið að komast í lag. Logi er líka búinn að vera veikur hátt í 2 vikur! Þetta er alveg óþolandi, þetta blessaða kvef!
Síðasta prófið mitt er á föstudaginn í stærðfræði 413, gaman af því.
Nonni bro er í heimsókn, hann fór út á Hvammstanga í gær og keyrði yfir frægu hraðahindraunirnar og hann sagðist hafa flogið yfir eins og júmbófíll og lent niður eins og dauð rjúpa hehe ;) Hann ætlar kannski að kaupa tvö hross af okkur, ég er samt að reyna að gera allt sem í mínu valdi stendur að stoppa söluna á hestinum. Mig langar ekki að selja hann :(

En allavega bless bless krakkar mínir.
P.s það eru 23 dagar í Spánarferð vúhú.... (",)

Hæ hæ krúttin mín!

2005-05-01T20:59:00.000+03:00

Ég er búin með tvö próf, íslensku 633 og ensku 603, það gekk vel.
Ég á eftir að fara í samræmt próf í ensku, dönsku 303, frönsku 203, þýsku 403 og stærðfræði 413. Svo er bara komið sumarfrí. Jább við Logi ætlum að byrja að vinna í tamningunum á fullu 1.júní, eða reyndar fer ég í útskriftarferð 1-7 júní til Benidorm vúhúú.... Og svo er bara allt á fullu!!! En já við vorum að ná í gömlu kerruna okkar sem var á Bjargshóli. Hún er bara búin að standa í svona 3-4 ár. Við erum að spá í að gera hana upp og trilla með hana eitthvað í sumar. Það þarf samt svolítið mikið að gera við hana, en hva.... En það var ball um helgina í Miðgarði og vó... það voru bara allir með öllum, þetta er nú meiri knullebærinn!!!
Ég var að taka myndir áðan af henni Ímynd... þetta er hún:

En snilldarmyndir frá mussuárshátíðinni má finna hér og hér

Tekið til kostanna

2005-04-25T13:47:00.000+03:00

Helgin var frábær, sýningin var góð á laugardagskvöldinu en hún var hálfgerð general prufa á föstudagskvöldinu. Ég var með Gígju í klárhryssunum. Hún var mjög góð, sérstaklega á laugardagskvöldinu. Mamma, pabbi og co voru með sumarbústað í Varmahlíð og það var partý þar á föstudagskvöldinu, við Logi ætluðum aðeins að kíkja í heimsókn en það endaði með því að ég var komin í pottinn í sundbolnum hennar Sigrúnar, sem að Eydís og Guðrún skírðu Rósu. Þetta var fallegur sundbolur og einmitt rósóttur! Já og Logi var kominn í djúpar samræður við Reyni, pabba, Einar og fleiri... það var náttúrulega talað um hross fyrst og fremst. Svo fór pabbi að grilla klukkan 2 um nóttina og þá fóru bara allir að éta grillkjöt. Sigga Lár var í pottinum ALLT kvöldið hehe... hún fékk sér bara að borða ofan í pottinum (",) En já það var horft á kvennaatriðið á videoi svona 15 sinnum um nóttina. Og já ég skreið upp á loft eitthvað um 4-leytið og sofnaði út frá samræðum Reynis og Siggu um það hvort að við mennirnir værum hræætur eða grænmetisætur!!!!!

Á laugardaginn var sölusýning á Króknum, Logi sýndi einn hest, hann heitir Snjall frá Úlfstöðum en við köllum hann alltaf bara Nasa, vegna þess að við vissum ekki hvað hann hét. Hann er undan Glampa og hann er rauðtvístjörnóttur leistóttur. Mjög fallegur á litinn og góður reiðhestur. Hann er óseldur by the way

Logi var þulur á sýningunni og stóð sig bara með stakri prýði. Mamma var með Ósvör í alhliðahryssunum, Órator í graðhestunum og svo Kotru í kvennaatriðinu. Eydís var með Kardinála í kvennaatriðinu og Gréta var með Ígul. Það var bara eitt atriði á milli Ósvarar og Órators, þannig að ég þurfti alltaf að hita Órator upp fyrir mömmu og missti þess vegna alltaf af byrjununni á sýningunni.

Það var svo mikið af fólki, að það var strengt band meðfram gólfinu (þar sem hestarnir eru) og ein rönd af fólki látið sitja á gólfinu í hvítum plasstólum. Það er eitthvað sem ég hef aldrei séð áður. Það voru áyggilega ca. 500-800 manns. En þetta var mjög gaman.

Myndir

uppörvandi og þroskandi brandarar!

2005-04-18T22:58:00.000+03:00

Einu sinni var gamall maður sem hét Poki, svo fór hann í fýlu og þá var hann kallaður fýlupoki!

Einu sinni var kona sem hét Dama, hún vann í búð og var því kassadama!

Einu sinni voru hjón sem hétu Barði og Klessa, svo fór Klessa á barinn og varð barin og svo kom löggan og sagði hver barði Klessu og þá kom Barði og sagði ég barði hana í klessu!

Einu sinni var fjölskylda, konan hét Ásta, karlinn hét Barði og þau áttu börn. Þau skrifuðu oft jólakort og í jólakveðjunni þá skrifuðu þau alltaf með kveðju Ásta barði börnin.

Einu sinni var strákur sem hét Tumi og hann var kallaður Tumi tígur einu sinni þegar hann var að labba úti, þá labbaði hann yfir poll og þá kom blettur í buxurnar hans. Þegar að Tumi tígur kom heim, þá sagði kærastan hans komdu þarna blettatígurinn þinn!

Snarpur skjálfti

2005-04-11T12:43:00.000+03:00

Söngvakeppnin var skemmtileg, Ingunn frænka og Hulda Signý báru sigur úr bítum. Þær voru mjög flottar og þetta var geggjað flott lag, ég er bara búin að vera með það á heilanum í allan dag. Það heitir Travelling soldier. Svo var Guðrún í 2. sæti með Sweet child of mine og Mundi og Sigrún í 3. sæti með sætt lag sem ég man ekki hvað heitir. Öll lögin voru eiginlega bara góð. Einar frændi var náttúrulega fyndnastur, hann söng hvar er húfan mín. Tommi, Júlli og Siggi Hólm fengu verðlaun fyrir bestu sviðsframkomuna þeir voru með frumsamið lag, það var mjög flott hjá þeim. Og svo fékk Prjónó flokkurinn verðlaun fyrir bestu búningana. Þær sungu lagið úr Bring it on myndinni Hey Mickey og þær voru í klappstýrubúningum ;) En já við fórum á úrtökuna í gær, mamma var með Órator, Ósvör, Kotru og Vin. Logi renndi Gleði í gegn og ég var með Ígul. Það gekk svosem allt í lagi. Maður fær ekkert að vita neitt strax. Mamma verður ábyggilega með einhverja merina í alhliðahryssum og svo veit ég ekki með hitt!!!!!

Fanney over and out

Fló hvar ertu Fló

2005-04-08T12:44:00.000+03:00

Komiði sæl og blessuð!
Við Logi vorum að horfa á Leitina af Nemó í gær, snilldarmynd! Minn minn minn......
En það er bara allt gott að frétta, á miðvikudaginn fór ég í skólann og svo um kvöldið var farið í Glaumbæ í fjárhúsin að stinga út skítnum. Það gekk bara vel, enda hjálpuðust allir að. Svo þegar það var búið að þrífa krærnar þá færðum við kindurnar yfir í þessar hreinu. Það eru komin lömb í Glaumbæ, ohhh þau eru svo sæt (",) jamm og svo þegar búið var að gefa, vatna og þrífa þá var kíkt í pottinn. Við vorum svona 10 í pottinum og Þorbergur setti endalausar sápurkúlur í pottinn, það var mjög fyndið. Og svo var svo kalt að við vorum með húfur í pottinum, Sigríður var Jón Spæjó, Þórdís og Vala voru frá Rússlandi og ég var Arabi. Hehe... Okkur Ingveldi var svo kalt að við kíktum að eins í bað ;) já já svo fór Logi fyrstur upp úr og fór að elda ofan í allt liðið. Svo kom fleira fólk... Þá var farið í gamla bæinn. En við gistum í Glaumbæ og svo var brunað í skólann klukkan 8 um morguninn. Beint í stræðrfræði!!!
Á morgunn eru úrslitin í höllinni á Króknum og svo annaðkvöld er söngvakeppnin á Hvammstanga, ég hitti Júlla og Tomma frændur mína áðan og þeir ætla að taka þátt. Þetta verður stuð!!! En jæja hittumst heil klikk ;)

Fanney over and out

Allt eins og blómstrið eina

2005-04-04T13:26:00.000+03:00

Jæja þá er ég komin með hesta á Krókinn. Mamma og pabbi skutluðust með Ígul og Veru fyrir mig í gær. En það gekk vel að keppa á föstudaginn, Órator hefur aldrei verið betri. Enda alltaf að læra meira og meira inn á þessar keppnir. Við fengum 7,2 í tölti og 1. sætið í áhugamanafl.! Mamma keppti á Ósvör, hún er líka alltaf að læra meira og meira, hún var í 5. sæti í opnum flokki í tölti. Pétur Vopni og Dreyri unnu þann flokk og Helga Una og Orða unnu unglingaflokkinn. En jamm það er geggjað veður núna, ég var að gefa morgungjöfina og moka undan hestunum... Ígli og Veru semur bara ágætlega núna, þau eru hætt að slást. Sem er gott ;)
Logi var líka að keppa um helgina á Króknum. Hann keppti í 5-gangi og skeiði á Vini, það gekk ágætlega en þeir félagar frá Varmalæk (Bjössi og Logi) voru ósáttir með einkunnirnar í 5-gangnum. En þeir eru líklega báðir í úrslitum. Úrslitin eru sko á síðasta mótinu... (asnaleg mótaröð) En hvað um það, þetta er nóg í bili.

Fanney over and out

1.Apríl Platdagurinn mikli

2005-04-01T19:05:00.000+03:00

Hahahalló... Þessi dagur er ekki búinn að ganga vel hjá mér, það var keyrt á mig þegar ég var að keyra niður í hesthús í morgun og ég er fótbrotin. Ég verð að vera í gifsi í 10 vikur.
Nei djók 1. apríl, náði ég að gabba ykkur? Viðurkenniði það bara þið voruð farin að trúa mér.
En takmarkinu er samt náð, ég náði að plata í dag.
Ég plataði mömmu, ég sagði henni að Logi hefði dottið af hestbaki í gær og að hann væri fótbrotinn thíhíhíhí... Og hún trúði því! En ég leiðrétti það samt fljótlega. Það er gaman að plata, en ég er samt ekki mjög góð í því. Ekki eins og góð og Anna Hlín sem hikar ekki við að ljúga að amma sín sé dáin, eða að hún sé ólétt. Hún svífst einskis hehehe.. ;)
En ég var að koma heim, fékk far með Ingveldi og Árna í litla bílnum hans.
Í kvöld er tölkeppni á Blönduósi, næst síðasta keppnin í mótaröðinni, allir að mæta.

P.s Ég var að útbúa glænýja gestabók, endilega kvittiði fyrir komu ykkar annars.....

Fanney over and out

Hvernig rúm á maður svo að kaupa?

2005-03-28T21:32:00.001+03:00

Ég er að fara að versla mér rúm, því að mitt er hundrað og tuttugu ára gamalt. Ég veit ekki hvernig rúm ég á að kaupa. Ég fór á www.rum.is og www.betrabak.is og www.rbrum.is Mér finnst alveg furðulega lítið af upplýsingum um rúmin, nema kannski á rum.is Ég er að spá í þessu sem er á myndinni, þetta er Ibiza 160*200cm 6 ára Verksmiðjuábyrgð mjög vönduð. Með Bonnel sjálfstæðu gormakerfi. 299 gormar Styrking í miðju og hliðum. Ofnæmisprófað og varið sem lagar sig vel að líkamanum.
Hafið þið einhverja reynslu af rúmakaupum, hvernig rúm eigið þið? Endilega give us a hand will you.....

Fanney over and out

Stórsýning á Blönduósi

2005-03-19T00:52:00.000+02:00

Á morgun er stórsýning á Blönduósi. Grafarkot er með atriði sem heitir "sex 6 vetra frá Grafarkoti" Og svo eru mamma, Eydís og co með atriði sem heitir "Senjorítur og heiðursmenn að vestan" Svo er alveg haugur af fleiri atriðum (",) En ég hvet alla til að koma og kíkja, þetta verður ábyggilega fín sýning.
Ég fór á tjúttið í gær, það var mjög gaman! Ég fór á rúntinn með Þórdísi, Völu, Rósu og Laugu.
Og við vorum að smakka á vel útbúnum drykk í sjeikdollu með klökum frá Ábæ. Svo kíkti ég á bar-inn og Kaffi Krók. Þar voru já bara mest megnis allir!
En allavega þá er ég komin heim núna, við æfðum í dag á Blönduósi þar að segja ef æfingu má kalla, því að við riðum í belg og biðu. Höfðum takmarkaðan tíma, þannig að ég veit ekkert hvernig þetta á eftir að ganga á morgun. En allir að kíkja á www.grafarkot.is alltaf eitthvað nýtt að koma þar inn.

Fanney over and out!

Þriðjudagurinn fimmtándi mars tvöþúsundogfimm

2005-03-15T12:36:00.001+02:00

Hæ

Það er kalt úti, svo kalt að ég fór fyrr úr tíma í gær bara til þess að fara á hestbak inni í reiðhöll.

Það var svo kalt að þegar maður er að ganga upp í skóla, þá frýs hakan á manni föst!

En það gekk vel að keppa á föstudaginn, ég vann bæði slaktaumatöltið og 4-ganginn á Órator. Hann var samt eitthvað agalega pirraður karlinn, ég held að hann sé kominn með leið á keppnum. Ég var heima um helgina eins og alltaf, það var fínt. Ég var alveg agalega dugleg á föstudaginn, vaknaði tiltölulega snemma fór út í hesthús, slepptu öllum hestunum út og sópaði stíurnar, var búin með svona 12 stíur þegar Gréta kom og hjálpaði mér. Svo fórum við að ríða út og ég held ég hafi farið á svona 7 hross þangað til að keppnin var um kvöldið!

Svo á Laugardaginn var afmælisglaðningur til heiðurs Gúnda, það var riðið heim til hans og sungið 2 vel valin lög og Dóri Fúsa öðru nafni Árni úsbekistan spilaði undir.

Sunnudagurinn var mest megnis svipaður hinum 2 dögunum, já mikið rétt, það var farið á hestbak, reyndar bara inni í skemmu vegna mikils kulda. Svo er maður náttúrulega bara kominn aftur á vist dauðans.... en góðu fréttirnar eru að páskafríið byrjar á föstudaginn eftir skóla (",)

Bæ

Opnir dagar!!!

2005-03-11T00:10:00.000+02:00

Í dag fimmtudag var svokallaður opinn dagur og morgundagurinn verður eins. Það var skóli fyrir hádegi og svo eftir hádegi þá er val. Ég valdi ljósmyndamaraþon. Það virkar þannig að maður fær 10 þema og á að taka myndir sem passa við sérhvert þema. Við Rósa vorum vitanlega saman í hópnum sem við kusum að kalla "Lilo & Stitch" Við byrjuðum náttúrulega á geðveikinni og ryksuguðum hárið á Rósu og átum tré og e-ð skemmtilegt! Svo fórum við niður í hesthús og létum Veru, Róna og Telpu flippa út í gerði með sólgleraugu. Jamm jamm svo klukkan hálf 5 fór ég heim í Grafarkot með Loganum til að ná í Stekk Ásaþórsson. En ég ákvað að vera eftir og Logi fór því einn norður aftur með hestinn. Það er nefninlega mót á morgun bæði á Blönduósi og Sauðárkrók. Ég er að fara að keppa á Blönduósi í 4-gangi og kannski slaktaumatölti og Logi ætlar að keppa á Sauðárkróki á áskorendamóti Riddaranna. Já það eru bara keppnir hverja helgi nú orðið.

En see ya later alligators!

Zelda und Zoolander

2005-03-03T13:21:00.000+02:00

Humm... já það gekk vel hjá okkur Loga á Bautatöltinu. Ég er alltaf að reyna að sjá myndirnar af þessu móti, en tölvurnar í skólanum eru svo leiðinlegar að ég get bara séð fyrstu hestana sem eru á fyrstu síðunni á www.pedromyndir.is en svo ef ég ætla á síðu númer 2, þá bara nei nei það er ekki hægt! OHHH þoli ekki þennan skóla ARRGG. En allavega þá járnuðum við Telpu á þriðjudaginn, hún var komin á stultur, hófarnir voru búnir að vaxa svo mikið. Hún er líka með svo asnalega hófa, þeir eru svo þröngir og harðir og litlir en samt sem áður mjög háir. Já finnst ykkur ekki gaman að lesa um hófa annars?
Ég er búin að fá út úr 3 prófum af 6, það gekk bara fínt í þessum 3 allavega!
Um helgina eru tvö mót á dagskrá, annað er á föstudaginn, það er í Svaðastöðum (reiðhöllinni á Króknum) fimmgangur og skeið,Logi ætlar að keppa á Vini frá Úlfstöðum og svo er ísmót á Svínavatni á sunnudaginn, við ætlum að fylla eina kerru af hrossum frá Grafarkoti og keppa þar líka þ.e. ég, mamma, Logi og kannski Eydís.....
Já já þetta er svona en annars er lítið að frétta, þessi vika er búin að vera 2 vikur að líða. Ég get ekki beðið eftir páskafríinu........

Fanney over and out

Sólin skín!!

2005-02-23T16:35:00.000+02:00

Það er búið að vera geggjað gott veður á króknum núna síðustu þrjá daga. Það er bara kraftaverk, miðað við að þetta sé á Sauðárkróki!!! Reyndar eru miðannarpróf í gangi og það er einhvernveginn þannig að það er alltaf gott veður í prófavikunum. Ég er búin að fara í 4 próf á eftir að halda einn fyrirlestur og taka 1 próf í viðbót sem er á föstudaginn. Við Logi erum að spá í að fara að keppa á Bautatöltinu á Akureyri. Reyndar vorum við að komast af því í gær að helv.. úrtakan fyrir framhaldsskólamótið á að vera á sunnudaginn. En það verður bara að breyta því. Það er ekki hægt að hafa það á sunnudegi, það er frídagur og svo er mót kvöldið áður og sumir ætla að keppa á sama hestinum það gengur náttúrulega ekki!!! En allavega þá er gott veður (",) Ohhh.. mig langar svo út, en nei ég þarf að flytja fyrirlestur í ensku...... hlakka til þegar það er búið þá fer ég beint á hestbak á Veru og Telpu sem eru skemmtilegar.

Fanney over and out.

Alvitringar athugið!

2005-02-21T17:18:00.000+02:00

Hvað eru stýrur? Er orðið stýra skrifað með ý eða í? stíra vs. stýra. Og hvað eru stýrur, afhverju koma þær? Þetta langar mig mikið til að vita, ég fór að pæla í þessu í gær og hef ekki haldið ró minni síðan. En nóg af þessum pælingum, ég fór í afmæli hjá Þórhalli og Bjössa um helgina það var ógeð gaman (",) eins og maður tekur til orða. Það voru fordrykkir í boði heima hjá Þórhalli. Við Eydís gáfum Þórhalli myndband frá því að við vorum lítil. Okkur fannst það alveg snjallræði þangað til að allir í partýinu fóru að horfa á það.... En já ég var/er ofvirk og á þessu myndbandi sést það alveg skírt og greinilega. En já það vakti lukku. Svo fóru allir á barinn þar var TÓLG að spila. Þ.e. Júlli, Tommi, Logi og Logi Fannar. Þeir voru fínir og héldu uppi stuðinu. Ég hitti fullt af fólki sem ég hef ekki séð lengi, mjög gaman! En allavega þá var þetta mjög fínt afmæli.

Until next time.......

Ring ring ring ring....bananaphone

2005-02-16T00:36:00.000+02:00

HALLÓ FÓLK!!!!

Við sitjum hérna þrjú ég, Ingveldur og Logi. Við vorum að leika okkur á netinu, skoða mót og svona. Það eru að skella á fullt af ísmótum m.a bautatöltið og einhverjar ískappreiðar. Svo erum við að horfa á friends seríu, alger snilld!
Ég fór í borg dauðans í gær, pabbi keyrði okkur Rósu. Þar gátum við verslað slatta af fötum, ég keypti mér tvennar gallabuxur og belti og e-ð svona glingur. Og Rósa keypti sér líka belti og jakka og peysu og smá glingur líka!!! Jamm þannig er nú það.
Úff... ég fór á æfingu áðan það var erfitt, það var ekkert svo erfitt fyrst en svo fórum við að hlaupa fullt af línuhlaupum. En maður hefur gott af þessu.

Fanney over and out

Úti í Eyjum var Einar kaldi.....

2005-02-08T00:30:00.000+02:00

Jæja ég fór á þorrablót um helgina á Hvammstanga, það var mjög gaman!
Alveg brilliant skemmtiatriði... M.a. Elísa með innlit-útlit hjá mömmu sinni og pabba og alveg fullt af fleiri atriðum sem ég nenni ekki að þylja upp.
En það sem er svona helst að frétta er að Hanna er búin að eiga, lítinn strák. Hann er ofsa sætur, við vorum í heimsókn hjá henni áðan. Ég fór líka á æfingu áðan, það var bara fínt!!!
Um næstu helgi er svo fyrsta töltkeppnin á Blönduósi, ég er nú búin að hugsa mér að mæta og keppa, á hesti en ekki belju (Ingveldur mætir þú? Múhahahaha)
En jæja gott fólk, ég nenni ekki að bulla meira í bili.

Fanney over and out

Hvað er það sem fellur svona af himnum ofan?

2005-02-01T11:08:00.000+02:00

Ég er svo hress og kát í dag!
Ég fór nefninlega á hestbak í gær á merarnar og þær voru svo góðar, þær hafa aldrei verið svona góðar (",) Vera byrjaði bara að tölta með mig, þetta líka fínasta hæga tölt og Telpa var líka góð, alveg miljandi gangur í þessu... hehe ;) Svo fór ég á æfingu í gærkvöldi klukkan 20:20 og ég hélt að karlinn ætlaði að drepa okkur. Hann lét okkur hlaupa 5 stiga, stigi er sem sagt að hlaupa fyrst út að vítastigalínu og aftur til baka, svo út á miðju og aftur til baka, svo á vítastigalínuna hinum megin á vellinum og aftur til baka og svo alveg yfir og SPRETTA til baka og þetta var gert 5 sinnum og undir 32-37 sekúndum. Jáhá og svo þegar ég kom heim eitthvað rúmlega 21:10 þá kældi ég á mér lappirnar og svo átti ég náttúrulega eftir að læra, svo að ég dreif í því svaraði spurningum á þýsku! Þannig að þegar að þetta allt var búið þá var bara klukkan að ganga tólf. Þannig að ég var mjög upptekin manneskja í gær!

Og ég gleymdi náttúrulega að segja frá því, þegar við fórum út á Krók á sunnudaginn, það var geggjað gaman. Við vorum 10, fórum á tveimur bílum, þetta var ég, Siggi Bóbó, Jóhanna, Þorbergur, Rósa, Þórunn, Þóra, Helgi, Stefán Gísli og Ingveldur. Strákarnir voru orðnir ansi rakir strax á Hvammstanga og Stefán drapst í bílnum á leiðinni út í Enniskot! Í Enniskoti fengum við vöfflur með súkkulaði glassúr og rjóma umm.... Sumir voru eitthvað rakir á hausnum og talað var um einhverja vonda lykt en lyktin var af Stefáni, því að í eitt skiptið þegar Stefán þurfti að æla var Þorbegur að pissa við hliðina á honum og Stefán datt aðeins til hliðar og beint undir bununa hjá Þorbergi.. Bergur tók nú ekkert eftir því fyrr en að Helgi sagði honum það!!! HAHAHAHAHAHAHA.... En ég ætla nú ekkert að skrifa meira frá þessari ferð núna!!
Fanney over and out

Mynd dagsins

2005-01-25T11:35:00.000+02:00

Halló halló ég ákvað að setja inn mynd dagsins af þessu sæta litla barni sem er bara svo mikið krútt!!!! Þetta er auðvitað hún Rakel Gígja litla frænka mín, við erum nottla alveg eins er það ekki? ;)
En ég og Loginn erum að fara á Hóla á eftir með Gígju (hryssuna) í læknisskoðun og þá kemur í ljós hvort að hún selst eða ekki, allir að krossleggja fingur og vona það besta! En annars er ég bara í skólanum alltaf. Ég fór í ljós í gær með Rósu í nýja sporthúsið og ég brann á rassinum og bakinu, ái.. mig langar ekki aftur í bráð!!!
Svo er ég búin að vera að glíma við einhverja helv.. pest núna undanfarið kvef, hálsbólgu og snert af magakveisu. Það er ekkert gaman sko!!! Það var alveg hundleiðinlegt veður í gær, geggjað rok og við Rósu fukum næstum því út í buskann.
En jæja bless í bili
Fannzan over and out.

ÁSJÓNA ER FYLFULL!!!!!!

2005-01-22T20:21:00.000+02:00

JEY......... merin mín yndislega er loksins fylfull. Hún vildi greinilega engan annan en hann Órator, en hún var hjá honum í allt sumar. Ohhh ég er mjög ánægð núna, loksins komin af stað í ræktunina.
Svo fórum við á sölusýninguna á Króknum í dag og Logi seldi hana Gígju til Jóns Olsen, hún á bara eftir að fara í læknisskoðun og ef það finnast engir skuggar þá er hún seld!!!! Það er mjög fínt!!! (",)
En jamm ég er komin heim núna, mamma er að fara að elda fyrir okkur svona pönnsur með hakki, salsasósu og grænmeti inn í ummm... en sé ykkur seinna!!!

Over and out Fanney ánægða

Hvað veist þú um áfengi?

2005-01-19T16:35:00.000+02:00

Þetta er titillinn á nýjum bæklingi sem var verið að dreifa í skólanum. Í þessum bæklingi kemur fram að það er líffræðilega sannað að stelpur þola u.þ.b. 30 % minna af vínanda heldur en strákar. Skýring á því er að:
1. stelpur eru yfirleitt minni og léttari en strákar, sama magn af áfengi hefur mun meiri áhrif á litla manneskju en stóra.
2. Stelpur hafa minna vatn í líkamanum, vatn þynnir áfengi.
3. Þær hafa minna af ensími sem brýtur niður áfengi svo það hverfi úr líkamanum.

Hvað er áfengi? Áfengi er slakandi lyf sem hægir á heilastarfseminni og starfsemi mænunnar. Áfengi berst með blóðrásinni um allan líkamann, til allra líffærakerfa og er skaðlegt öllum líffærum. Nohhh það er bara sonna....
Já já það er þorrablót á föstudaginn í Lýtingsstaðahrepp, það verður ábyggilega rosa stuð. Logi og Stebbi á Laugamýri sjá um skemmtiatriðin eins og í fyrra og svo er Kári á Vatni með annál og Geirmundur sér um dansleikinn!!! En jæja ég verð að fara að skjótast í ensku 603.

Over and out Zorro